Community

യുക്മ അംഗ അസോസിയേഷനുകളിൽ “കോവിഡ് -19 വോളണ്ടിയർ ടീം” വീണ്ടും സജീവമാകുന്നു; ഡോക്ടർമാരുടേയും ആരോഗ്യവിദഗ്‌ദ്ധരുടേയും സേവനം ലഭ്യമാക്കും….

സജീഷ് ടോം 
(യുക്മ നാഷണൽ പി ആർ ഒ & മീഡിയ കോർഡിനേറ്റർ)
കോവിഡ് – 19 ന്റെ പശ്ചാത്തലത്തിൽ യു കെ മൂന്നാമത്തെ “ലോക് ഡൗണി”ൽ പ്രവേശിച്ചിരിക്കുന്ന സന്ദർഭത്തിൽ എല്ലാ യുക്മ അംഗ അസോസിയേഷനുകളിൽ മുൻപ് രൂപം കൊടുത്ത “കോവിഡ്-19 വോളണ്ടിയർ ടീം” വീണ്ടും സജീവമാകുന്നു.  ഇതിനായി  എല്ലാ അംഗ അസോസിയേഷനുകൾക്കും ആവശ്യമായ നിർദ്ദേശങ്ങൾ ഉൾപ്പെടുന്ന ഇ-മെയിൽ യുക്മ ജനറൽ സെക്രട്ടറി അയച്ച് കഴിഞ്ഞു.
യുക്മ ദേശീയ സമിതിയും യുക്മ ചാരിറ്റി ഫൗണ്ടേഷനും സംയുക്തമായി ദേശീയ തലത്തിൽ കോവിഡിനെതിരായ പ്രവർത്തനങ്ങൾ ഏകോപിപ്പിക്കുകയാണ്. യുക്മയുടെ എല്ലാ അംഗ അസോസിയേഷനുകള്‍ക്കും ഈ ഘട്ടത്തില്‍ തങ്ങളുടെ സമീപപ്രദേശങ്ങളില്‍ കഴിയുന്നവരെ പ്രത്യേകിച്ച് മലയാളികളെ എല്ലാ തരത്തിലും സഹായിക്കുന്നതിനുള്ള ഉത്തരവാദിത്വമുണ്ട്. കോവിഡ്-19, രോഗബാധിതരെ ചികിത്സിക്കുന്നതിനും രോഗവ്യാപനം തടയുന്നതിനും ലക്ഷ്യമിട്ട് “ക്വാറന്റീന്‍”, “സെല്‍ഫ് ഐസൊലേഷന്‍” തുടങ്ങിയ പേരുകളില്‍ അറിയപ്പെടുന്ന ഏകാന്ത വാസം നിര്‍ബന്ധിതമാക്കപ്പെടുന്ന സാഹചര്യം നേരിടുന്ന കുടുംബങ്ങളെയും വ്യക്തികളെയും സഹായിക്കുന്നതിനായിട്ടാണ് “കോവിഡ്-19 വോളണ്ടിയർ ടീം”.
ഒറ്റപ്പെട്ടു താമസിക്കുന്ന കുടുംബങ്ങള്‍ക്കോ വ്യക്തികള്‍ക്കോ  ഭക്ഷണം, ഭക്ഷണ സാമഗ്രികള്‍, മരുന്നുകള്‍ ഉള്‍പ്പെടയുള്ള അവശ്യ വസ്തുക്കള്‍   തുടങ്ങിയവ ലഭ്യമാണെന്ന് ഉറപ്പു വരുത്തുക എന്നുള്ള ദൗത്യമാണ് പ്രായോഗികമായി നടപ്പിലാക്കാനാവുക. ഒറ്റപ്പെടുന്ന വ്യക്തികളോ കുടുംബങ്ങളോ യുക്മ അസോസിയേഷന്‍ അംഗങ്ങളാണോ, ഏതെങ്കിലും അസോസിയേഷന്‍ അംഗങ്ങളാണോ എന്നതൊന്നും പ്രശ്നമല്ല. എല്ലാ ടീമുകളിലും അതത് പ്രദേശത്ത് തന്നെയുള്ള ഡോക്ടര്‍മാരെയും സീനിയര്‍ നഴ്സുമാരെയും അടിയന്തരമായി മെഡിക്കല്‍ ഉപദേശങ്ങള്‍ ലഭ്യമാക്കുന്നതിന് വേണ്ടി ഉൾപ്പെടുത്തും.  യുക്മ ദേശീയ കമ്മറ്റി അംഗം കൂടിയായ ഡോ. ബിജു പെരിങ്ങത്തറയുടെ നേതൃത്വത്തില്‍ വിവിധ ഡിപ്പാര്‍ട്ട്മെന്റുകളിലെ ഡോക്ടര്‍മാര്‍ ഉള്‍പ്പെടുന്ന ഒരു പാനല്‍ ഇതിനോടകം തന്നെ രൂപീകരിച്ചിട്ടുണ്ട്. അടിയന്തര ഘട്ടത്തില്‍ അദ്ദേഹത്ത (ഡോ. ബിജു പെരിങ്ങത്തറ – 07904785565) നേരിട്ട് ബന്ധപ്പെടാവുന്നതാണ്.
യുക്മ ദേശീയ നേതാക്കളായ മനോജ്‌കുമാർ പിള്ള (പ്രസിഡന്റ് – 07960357679), അലക്സ് വർഗീസ് (ജനറൽ സെക്രട്ടറി – 07985641921), എബി സെബാസ്ററ്യൻ (വൈസ് പ്രസിഡന്റ് – 07916123248), സെലീനാ സജീവ് (ജോയിൻ്റ് സെക്രട്ടറി – 07507519459) എന്നിവരും, യുക്മ ചാരിറ്റി ഫൗണ്ടേഷൻ ട്രസ്റ്റി ബോർഡ് അംഗങ്ങളായ ടിറ്റോ തോമസ് (07723956930), ഷാജി തോമസ് (07737736549), വർഗീസ് ഡാനിയേൽ (07882712049), ബൈജു തോമസ് (07825642000) എന്നിവരുൾപ്പെട്ട സമിതി ദേശീയ തലത്തിലെ പ്രവർത്തനങ്ങൾക്ക് നേതൃത്വം നൽകും.
January 7, 2021 in Community Comments (0)

രാവിന് പുളകം ചാർത്തി പതിനൊന്നാമത് യുക്മ ദേശീയ വെർച്വൽ കലാമേളക്ക് സമാപനം………… ആരോഗ്യ മന്ത്രി കെ കെ ശൈലജ ടീച്ചർ പ്രേക്ഷകർക്ക് ആവേശമായി………… റീജിയണൽ ചാമ്പ്യൻഷിപ്പ് ഈസ്റ്റ് ആംഗ്ലിയക്ക്…….. ലൂട്ടൻ കേരളൈറ്റ്സ് ചാമ്പ്യൻ അസോസിയേഷൻ……….

സജീഷ് ടോം 
(യുക്മ നാഷണൽ പി ആർ ഒ & മീഡിയ കോർഡിനേറ്റർ)
കോവിഡിന്റെ വെല്ലുവിളികളെ ധീരമായി ഏറ്റെടുത്തുകൊണ്ട്, ലോക പ്രവാസി സമൂഹത്തിനാകെ അഭിമാനത്തിന്റെ നിമിഷങ്ങൾ സമ്മാനിച്ച യുക്മ ദേശീയ വെർച്വൽ കലാമേളക്ക് ആവേശകരമായ സമാപനം. നേരത്തെ കേരള ആരോഗ്യമന്ത്രി കെ കെ ശൈലജ ടീച്ചർ യുക്മയുടെ പുതുവർഷ ആഘോഷങ്ങളും ദേശീയ കലാമേള സമാപന സമ്മേളനവും ഉദ്‌ഘാടനം ചെയ്തു. യു.കെയിലെ മലയാളി അസോസിയേഷനുകളുടെ ദേശീയ സംഘടനയായ യുക്മ മലയാള സംസ്‌കാരത്തിനും കലകൾക്കും പ്രവാസ നാട്ടിൽ നൽകിവരുന്ന പ്രോത്സാഹനം ശ്‌ളാഘനീയമാണെന്ന് ശൈലജ ടീച്ചർ അനുസ്മരിച്ചു.
മാറുന്ന കാലത്തിന്റെ വേറിട്ട ചിന്തകളെയും ജീവിത രീതികളെയും കുറിച്ചും; കോവിഡ് ഉയർത്തിയ സാമൂഹ്യ വെല്ലുവിളികളെ സംസ്ഥനം നേരിട്ട രീതികളെ കുറിച്ചും ടീച്ചർ നടത്തിയ പ്രൗഢമായ ഉദ്ഘാടന പ്രസംഗം നൂറുകണക്കിന് അനുമോദന കമന്റുകളിലൂടെയാണ് UUKMA ഫേസ്ബുക്ക് പേജിലൂടെ ലൈവിൽ എത്തിയ പ്രേക്ഷകർ നെഞ്ചിലേറ്റിയത്.
ചടങ്ങിൽ വിശിഷ്ടാടാതിഥി ആയി എത്തിയ പ്രശസ്ത നോവലിസ്റ്റും തിരക്കഥാകൃത്തുമായ  പെരുമ്പടവം ശ്രീധരൻ മലയാണ്മയുടെ സൗരഭ്യമാർന്ന ആശംസകൾ അർപ്പിച്ചു സംസാരിച്ചു. സെലിബ്രിറ്റി അതിഥിയായി എത്തിയ പ്രശസ്ത തമിഴ് – മലയാള ചലച്ചിത്ര താരം ബാല കുമാർ  ജീവകാരുണ്യ പ്രവർത്തനങ്ങളുടെ പ്രാധാന്യത്തെക്കുറിച്ച് ഹൃദ്യവും പ്രചോദനാത്മകവുമായ സന്ദേശം നൽകിയത് പ്രേക്ഷകർക്ക് പുത്തൻ അനുഭവമായി. എറണാകുളം എം പി ഹൈബി ഈഡൻ ആശംസകളുമായി കടന്നുവന്നു കലാമേള രാവിന്റെ ആവേശം ഇരട്ടിപ്പിച്ചു.
യുക്മയുടെ ശക്തരായ ഈസ്റ്റ് ആംഗ്ലിയ റീജിയനാണ്‌ പതിനൊന്നാമത് ദേശീയ കലാമേളയുടെ ചാമ്പ്യന്മാർ. മേളയിലെ കറുത്ത കുതിരകളായ യോർക്ഷയർ ആൻഡ് ഹംബർ റീജിയനെ പിന്തള്ളിയാണ് ഈസ്റ്റ് ആംഗ്ലിയ ചരിത്ര നേട്ടം കുറിച്ചത്. ഇഞ്ചോടിഞ്ച് പോരാട്ടത്തിനൊടുവിൽ സൗത്ത് ഈസ്റ്റ് റീജിയണിലെ വിൽഷെയർ മലയാളി അസോസിയേഷനെ ഒരേ ഒരു പോയിന്റിന് പിന്നിലാക്കി ഈസ്റ്റ് ആംഗ്ലിയ റീജിയണിലെ ലൂട്ടൻ കേരളൈറ്റ്സ് അസോസിയേഷൻ ഈ വർഷത്തെ ചാമ്പ്യൻ അസോസിയേഷൻ കിരീടം ചൂടി.
അപൂർവ്വങ്ങളിൽ അപൂർവ്വമായ വിജയഗാഥയൊരുക്കിയ ഒരു കുടുംബമാണ് കലാതിലകം – കലാപ്രതിഭ പട്ടങ്ങളിലൂടെ അനുമോദനങ്ങൾ ഏറ്റുവാങ്ങിയത്. ലൂട്ടൻ നിവാസികളായ, ഐ ടി രംഗത്ത് ജോലിചെയ്യുന്ന അലോഷ്യസ് – ജിജി ദമ്പതികളുടെ മക്കളാണ് യുക്മ കലാമേളകളുടെ ചരിത്രത്തിൽ സ്ഥാനം നേടിയിരിക്കുന്നത്. പങ്കെടുത്ത മൂന്നിനങ്ങളിലും ഒന്നാം സ്ഥാനം നേടിക്കൊണ്ട് ആനി അലോഷ്യസ് കലാതിലകപട്ടവും, സഹോദരൻ ടോണി അലോഷ്യസ് കലാപ്രതിഭ പട്ടവും കരസ്ഥമാക്കി.
നൃത്ത മത്സരങ്ങളിലെ പ്രത്യേക പ്രാവീണ്യത്തിനുള്ള നാട്യമയൂരം അവാർഡ് ഈസ്റ്റ് യോർക്ഷയർ കൾച്ചറൽ ഓർഗനൈസേഷനിലെ മരിയ രാജു കരസ്ഥമാക്കി. മലയാള ഭാഷാ പ്രോത്സാഹനത്തിന്റെ ഭാഗമായി നൽകിവരുന്ന ഭാഷാകേസരി അവാർഡ് കാർഡിഫ് മലയാളി അസോസിയേഷനിലെ കെവിൻ ടൈറ്റസ് നേടി.
ഓരോ വിഭാഗങ്ങളിലും വ്യക്തിഗത ചാമ്പ്യന്മാർക്കുള്ള തെരഞ്ഞെടുപ്പും  ഏറെ വാശിയേറിയതായിരുന്നു. വിൽഷെയർ മലയാളി അസോസിയേഷനിലെ ജാൻവി ജയേഷ് നായർ (കിഡ്‌സ്), ഈസ്റ്റ് യോർക്ഷയർ കൾച്ചറൽ ഓർഗനൈസേഷനിലെ മരിയ രാജു (സബ്-ജൂനിയേർസ്), ലൂട്ടൻ കേരളൈറ്റ്സ് അസ്സോസിയേഷനിൽനിന്നുള്ള ടോണി അലോഷ്യസ് (ജൂനിയേർസ്), ആനി അലോഷ്യസ് (സീനിയേഴ്സ്) എന്നിവരാണ് വ്യക്തിഗത ചാമ്പ്യന്മാർ.
യുക്മ ദേശീയ പ്രസിഡന്റ് മനോജ് പിള്ള അധ്യക്ഷനായിരുന്നു. എട്ട് മണിക്കൂറിലധികം നീണ്ട് നിന്ന പരിപാടിയിൽ വിശിഷ്ടാതിഥികളും സ്പോൺസർമാരും യുക്മ നേതാക്കളുമായി അറുപതോളം പേരാണ്  ആകെ ലൈവിൽ സംസാരിക്കുന്നതിനും ഫലപ്രഖ്യാപനം നടത്തുന്നതിനുമായി എത്തിയത്. യുക്മ രൂപീകൃതമായ കാലം മുതൽ നാളിതുവരെ വളർച്ചയുടെ വഴിത്താരയിൽ നേതൃത്വം വഹിച്ചവരും സഹയാത്രികരും, ഇന്നും സഹകരിച്ചു പോരുന്നവരുമായ നാൽപ്പതോളം വ്യക്തികൾ ആയിരുന്നു ഓരോ  മത്സര ഇനങ്ങളുടെയും ഫലപ്രഖ്യാപനം നടത്തിയത് എന്നത് വളരെ കൗതുകകരമായിരുന്നു. ഓരോ വ്യക്തിക്കും യുക്മയുമായുള്ള ബന്ധം എടുത്തുപറഞ്ഞുകൊണ്ട് ദേശീയ വൈസ് പ്രസിഡന്റ് അഡ്വ.എബി സെബാസ്റ്റ്യൻ ലൈവ് സ്ട്രീമിലേക്ക് ക്ഷണിച്ചപ്പോൾ, അതാത് വ്യക്തികൾക്കും ഒപ്പം സംഘടനക്കും അഭിമാന നിമിഷങ്ങളായി മാറി. മുൻ ദേശീയ പ്രസിഡന്റ് മാമ്മൻ ഫിലിപ്പ് ആദ്യ ഫലപ്രഖ്യാപനം നടത്തുകയും കലാമേളയ്ക്ക് ആശംസകൾ അർപ്പിക്കുകയും ചെയ്യുകയുണ്ടായി. ഓരോ ഇനങ്ങളിലെയും ഫലപ്രഖ്യാപനങ്ങളെ തുടർന്ന് ഒന്നാം സ്ഥാനം നേടിയ പ്രകടനങ്ങളുടെ വീഡിയോ പ്രദർശിപ്പിക്കുകൂടി ചെയ്തപ്പോൾ, യഥാർഥ ദേശീയ കലാമേളയുടെ വേദി പുനർ ജനിക്കുന്ന പ്രതീതിയിലായി പ്രേക്ഷകർ. യു കെ മലയാളികൾക്ക് സുപരിചിതയായ അവതാരകയും നർത്തകിയുമായ ദീപാ നായർ ആയിരുന്നു ഉദ്ഘാടന – സമാപന ചടങ്ങുകൾ മികവോടെ ഏകോപിപ്പിച്ചത്. യുക്മ കലാമേളയുടെ സ്പോപോൺസർമാർ കൂടിയ അലൈഡ് ഫിനാൻസ് & മോർട്ഗേജ് സർവ്വീസിൻ്റെ ബിജോ ടോം, പോൾ ജോൺ & കമ്പനി സോളിസിറ്റേഴ്സിൻ്റെ പോൾ ജോൺ എന്നിവർ  കലാമേളയ്ക്ക് ആശംസകൾ അർപ്പിച്ച് സംസാരിച്ചു.
യുക്മ ദേശീയ ജനറൽ സെക്രട്ടറി അലക്സ് വർഗ്ഗീസ്  ഏവർക്കും നന്ദി രേഖപ്പെടുത്തി.
ഡിസംബർ പന്ത്രണ്ടിന് എസ് പി ബാലസുബ്രഹ്മണ്യം വെർച്വൽ നഗറിൽ സുപ്രസിദ്ധ ചെണ്ടമേളം വിദ്വാൻ പദ്മശ്രീ പെരുവനം കുട്ടൻമാരാർ ഉദ്ഘാടനം ചെയ്ത ദേശീയ കലാമേള യുക്മ ഫെയ്സ് ബുക്ക് പേജിലൂടെ എട്ട് ദിവസങ്ങൾ നീണ്ട സംപ്രേക്ഷണത്തിലൂടെയാണ് മത്സരങ്ങൾ പൂർത്തിയാക്കിയത്. അഞ്ഞൂറോളം മത്സരാർത്ഥികൾ മേളയിൽ പങ്കെടുത്തു.
യുക്മയുടെ സഹയാത്രികൻ കൂടിയായ ജോസ് പി എം ന്റെ ഉടമസ്ഥതയിലുള്ള, ലണ്ടൻ കേന്ദ്രീകരിച്ച് പ്രവർത്തിക്കുന്ന, നഴ്സിം‌ഗ് ഏജൻസികൾക്കായി റോട്ടാമൊബൈൽ ആപ്പ് വികസിപ്പിച്ചെടുത്ത JMPsoftware.co.uk യുക്മക്ക് വേണ്ടി രൂപകൽപ്പന ചെയ്ത  സാങ്കേതികവിദ്യ ആയിരുന്നു കലാമേളയുടെ രജിസ്‌ട്രേഷൻ മുതൽ ഫലപ്രഖ്യാപനം വരെയുള്ള എല്ലാ പ്രവർത്തനങ്ങളുടെയും വെർച്വൽ പ്ലാറ്റ്‌ഫോം.
യുക്മയുടെ പതിനൊന്നാമത് വെർച്വൽ കലാമേളയുടെ പ്രധാന സ്പോപോൺസർമാർ ആയിരുന്നത് അലൈഡ് ഫൈനാൻസ് & മോർട്ഗേഗേജ് സർവ്വീസസ്, പോൾ ജോൺ & കോ സോളിസിറ്റേഴ്സ്, മുത്തൂറ്റ് ഗ്രൂപ്പ്, ഓൺലൈൻ ട്യൂഷൻ രംഗത്തെ പ്രമുഖ സ്ഥാപനമായ ട്യൂട്ടർ വേവ്സ്, ജി ഡി പി കംപ്ളൈൻസ് ലിമിറ്റഡ് എന്നീ സ്ഥാപനങ്ങളാണ്.
പതിനൊന്നാമത് യുക്മ ദേശീയ കലാമേള വൻ വിജയമാക്കി മാറ്റിയ എല്ലാവർക്കും, യുക്മ ദേശീയ കമ്മറ്റിക്കുവേണ്ടി  പ്രസിഡന്റ് മനോജ്‌കുമാർ പിള്ള, ജനറൽ സെക്രട്ടറി അലക്സ് വർഗീസ്, വൈസ് പ്രസിഡൻറ് അഡ്വ. എബി സെബാസ്റ്റ്യൻ, കലാമേളയുടെ ചുമതലയുള്ള വൈസ് പ്രസിഡൻറ് ലിറ്റി ജിജോ, ജോ. സെക്രട്ടറി സാജൻ സത്യൻ  എന്നിവർ നന്ദി അറിയിച്ചു.
 
എസ് പി ബി വെർച്വൽ നഗറിൽ നടന്ന പതിനൊന്നാമത് യുക്മ ദേശീയ കലാമേളയിലെ വിജയികളുടെ പേരുകൾ അസോസിയേഷൻ റീജിയൻ സഹിതം ചുവടെ ചേർക്കുന്നു.
 
ഭരതനാട്യം (ജൂണിയർ):-
1. നിയ സജേഷ് (ചെംസ്ഫോർഡ് മലയാളി അസ്സോസ്സിയേഷൻ, ഈസ്റ്റ്  ആംഗ്ളിയ)
2. അഞ്ജലി ജോ പഴയാറ്റിൽ (നോർവിച്ച് മലയാളി അസ്സോസ്സിയേഷൻ, ഈസ്റ്റ് ആംഗ്ളിയ)
3. നന്ദന രാംകുമാർ (കേംബ്രിഡ്ജ് മലയാളി അസ്സോസ്സിയേഷൻ, ഈസ്റ്റ് ആംഗ്ളിയ).
ഭരതനാട്യം (സീനിയർ):-
1. നന്ദന സത്യപാൽ (ലീഡ്സ് മലയാളി അസ്സോസ്സിയേഷൻ, യോർക്ക്ഷയർ ആൻഡ് ഹംബർ )
2. ഡോ.അഭിലാഷ് നായർ (എർഡിംഗ്ടൺ മലയാളി അസ്സോസ്സിയേഷൻ, മിഡ്‌ലാൻഡ്സ് )
3. പ്രിയ ആനന്ദ് (ഫ്രണ്ട്സ് ഓഫ് പ്രെസ്റ്റൺ, നോർത്ത് വെസ്റ്റ് ).
ഭരതനാട്യം (സബ്ബ് ജൂണിയർ):-
1. മരിയ രാജു (ഈസ്റ്റ് യോർക്ക്ഷയർ കൾച്ചറൽ ഓർഗനൈസേഷൻ, യോർക്ക്ഷയർ ആൻഡ് ഹംബർ)
2. വൈഗ ദിലീപൻ (സംഗീത ഓഫ് യു കെ ക്രോയ്ഡൺ, സൌത്ത് ഈസ്റ്റ്)
3. ജോഹാന ജേക്കബ്ബ് (ലിംക ലിവർപൂൾ, നോർത്ത് വെസ്റ്റ്).
സിനിമാറ്റിക് ഡാൻസ് (കിഡ്സ്):-
1. റബേക്ക ജിജോ (ബി.സി.എം.സി.  ബർമിംഗ്ഹാം, മിഡ്ലാൻഡ്സ്)
2. ജാൻവി ജയേഷ് നായർ (വിൽറ്റ്ഷയർ മലയാളി അസ്സോസ്സിയേഷൻ, സൌത്ത് വെസ്റ്റ്)
3. റ്റിയ മരിയ പ്രിൻസ് (നോർവിച്ച് മലയാളി അസ്സോസ്സിയേഷൻ, ഈസ്റ്റ് ആംഗ്ളിയ).
സിനിമാറ്റിക് ഡാൻസ് (സബ്ബ് ജൂണിയർ):-
1. മരിയ രാജു (ഈസ്റ്റ് യോർക്ക്ഷയർ കൾച്ചറൽ ഓർഗനൈസേഷൻ, യോർക്ക്ഷയർ ആൻഡ് ഹംബർ)
2. ദയ പ്രേം നായർ (കെ.സി.ഡബ്ള്യു.എ. ക്രോയ്ഡൺ, സൌത്ത് ഈസ്റ്റ്)
3. ജോർജ്ജ് ജോ പഴയാറ്റിൽ (നോർവിച്ച് മലയാളി അസ്സോസ്സിയേഷൻ, ഈസ്റ്റ് ആംഗ്ളിയ).
സിനിമാറ്റിക് ഡാൻസ് (ജൂണിയർ):-
1. ടോണി അലോഷ്യസ് (ലൂട്ടൻ കേരളൈറ്റ്സ് അസ്സോസ്സിയേഷൻ, ഈസ്റ്റ് ആംഗ്ളിയ)
2. ഹന്ന വിക്ടർ (വിൽറ്റ്ഷയർ മലയാളി അസ്സോസ്സിയേഷൻ, സൌത്ത് വെസ്റ്റ്)
3. ഫ്രെഡറിക് ഫ്രാൻസിസ് പ്രിൻസ് (നോർവിച്ച് മലയാളി അസ്സോസിയേഷൻ, ഈസ്റ്റ്  ആംഗ്ളിയ).
സിനിമാറ്റിക് ഡാൻസ് (സീനിയർ):-
1. റിനു ജോസഫ് (വിൽറ്റ്ഷയർ മലയാളി അസ്സോസ്സിയേഷൻ, സൌത്ത് വെസ്റ്റ്)
2. അഖില അജിത് (ലൂട്ടൻ കേരളൈറ്റ്സ് അസ്സോസ്സിയേഷൻ, ഈസ്റ്റ് ആംഗ്ളിയ)
3. റിയ കുര്യൻ ബിൽട്ടൻ (ഈസ്റ്റ് യോർക്ക്ഷയർ കൾച്ചറൽ ഓർഗനൈസേഷൻ, യോർക്ക്ഷയർ ആൻഡ് ഹംബർ).
ഡ്രംസ് (സബ്ബ് ജൂണിയർ):-
1. ജോസഫ് അബ്രാഹം ജൂബി (നോർവിച്ച് മലയാളി അസ്സോസ്സിയേഷൻ, ഈസ്റ്റ് ആംഗ്ളിയ)
2. അലൻ ബഷീർ
(വിൽറ്റ്ഷയർ മലയാളി അസ്സോസ്സിയേഷൻ, സൌത്ത് വെസ്റ്റ്)
3. ഫ്ളെവിൻ സജു (ബർമിംഗ്ഹാം കേരള വേദി, മിഡ്ലാൻഡ്‌സ്).
ഡ്രംസ് (ജൂണിയർ):-
1. ആൻഡ്രു റോജൻ (എസ്സ്.എം.എ. ഗ്ളാസ്സ്ഗോ, സ്കോട്ട്ലൻഡ്)
2. മെൽവിൻ മാക്സ് ജിപ്സൺ (നോർമ മാഞ്ചസ്റ്റർ, നോർത്ത് വെസ്റ്റ്)
3. ജോർജ്ജ് ഡിക്സ് (എൻ.എം.സി.എ. നോട്ടിംഗ്ഹാം, മിഡ്ലാൻഡ്‌സ്).
ഡ്രംസ് (സീനിയർ):-
1. നന്ദന സത്യപാൽ (ലീഡ്‌സ് മലയാളി അസ്സോസ്സിയേഷൻ, യോർക്ക്ഷയർ ആൻഡ് ഹംബർ).
പ്രസംഗം – ഇംഗ്ളീഷ് (സബ്ബ് ജൂണിയർ):-
1. ദിയ എലീസ ജോർജ്ജ് (ഈസ്റ്റ് യോർക്ക്ഷയർ കൾച്ചറൽ ഒർഗനൈസേഷൻ, യോർക്ക്ഷയർ ആൻഡ് ഹംബർ)
2. സച്ചിൻ ഡാനിയൽ (കീലി മലയാളി അസ്സോസ്സിയേഷൻ, യോർക്ക്ഷയർ ആൻഡ് ഹംബർ)
3. ജൂഡിത് ടോമി ( കെ.സി.എഫ്. വാറ്റ്ഫോർഡ്, ഈസ്റ്റ് ആംഗ്ളിയ)
3. എന്യ ബിജു (എയ്ൽസ്ബറി മലയാളി സമാജം, സൌത്ത് വെസ്റ്റ്).
പ്രസംഗം – ഇംഗ്ളീഷ് (ജൂണിയർ):-
1. ടോണി അലോഷ്യസ് (ലൂട്ടൻ കേരളൈറ്റ്സ് അസ്സോസ്സിയേഷൻ, ഈസ്റ്റ് ആംഗ്ളിയ)
2. അഡേൽ ബഷീർ (വിൽറ്റ്ഷയർ മലയാളി അസ്സോസ്സിയേഷൻ, സൌത്ത് വെസ്റ്റ്)
3. ആര്യ ദാസ് (ബി.സി.എം.സി. ബർമിംഗ്ഹാം, മിഡ്ലാൻഡ്സ്).
പ്രസംഗം – മലയാളം (സബ്ബ് ജൂണിയർ):-
1. മാത്യു പ്രകാശ് (സീമ ഈസ്റ്റ്ബോൺ, സൌത്ത് ഈസ്റ്റ്)
2. ആൽഡ്‌റിക് ജയ്സൺ മണവാളൻ (ജി.എം.എ. ഗ്ളോസ്റ്റർഷയർ, സൌത്ത് വെസ്റ്റ്).
പ്രസംഗം – മലയാളം (ജൂണിയർ):-
1. ടെസ്സ സൂസൻ ജോൺ (സി.എം.എ. കേംബ്രിഡ്ജ്, ഈസ്റ്റ് ആംഗ്ളിയ)
2. മെറീന പ്രകാശ് (സീമ ഈസ്റ്റ്ബോൺ, സൌത്ത് ഈസ്റ്റ്)
3. മാർട്ടിൻ പ്രകാശ് (സീമ ഈസ്റ്റ്ബോൺ, സൌത്ത് ഈസ്റ്റ്).
പ്രസംഗം – മലയാളം (സീനിയർ):-
1. ജോ വിൽട്ടൻ (ജി.എം.എ. ഗ്ളോസ്റ്റർഷയർ, സൌത്ത് വെസ്റ്റ്)
2. ബിൻസി വിക്ടർ (ഡബ്ള്യു.എം.എ. വിൽറ്റ്ഷയർ, സൌത്ത് വെസ്റ്റ്)
3. ജെസ്സിൻ ജോൺ (ബി.സി.എം.സി. ബർമിംഗ്ഹാം, മിഡ്ലാൻഡ്സ്)
3. ജോമോൾ ജിജി (ബി.സി.എം.സി. ബർമിംഗ്ഹാം, മിഡ്ലാൻഡ്സ്).
നാടോടി നൃത്തം (സബ്ബ് ജൂണിയർ):-
1. ഈവ മരിയ കുരിയാക്കോസ് (ഈസ്റ്റ് യോർക്ക്ഷയർ കൾച്ചറൽ ഓർഗനൈസേഷൻ, യോർക്ക്ഷയർ ആൻഡ് ഹംബർ)
2. നയനിക അശ്വിൻ (എൽമ ലണ്ടൻ, ഈസ്റ്റ് ആംഗ്ളിയ)
3. മരിയ രാജു (ഈസ്റ്റ് യോർക്ക്ഷയർ കൾച്ചറൽ ഓർഗനൈസേഷൻ, യോർക്ക്ഷയർ ആൻഡ് ഹംബർ).
നാടോടി നൃത്തം (ജൂണിയർ):-
1. ടോണി അലോഷ്യസ് (ലൂട്ടൻ കേരളൈറ്റ്സ് അസ്സോസ്സിയേഷൻ, ഈസ്റ്റ് ആംഗ്ളിയ)
2. നിയ സജേഷ് (ചെംസ്ഫോർഡ് മലയാളി അസ്സോസ്സിയേഷൻ, ഈസ്റ്റ് ആംഗ്ളിയ)
3. ഫ്രെഡറിക് ഫ്രാൻസിസ് പ്രിൻസ് (നോർവിച്ച് മലയാളി അസ്സോസ്സിയേഷൻ, ഈസ്റ്റ് ആംഗ്ളിയ).
നാടോടി നൃത്തം (സീനിയർ):-
1. സിന്ധു രാമചന്ദ്രൻ (നോർമ മാഞ്ചസ്റ്റർ, നോർത്ത് വെസ്റ്റ്)
2. ഡോ.അഭിലാഷ് നായർ (എർഡിംഗ്ടൺ മലയാളി അസ്സോസ്സിയേഷൻ, മിഡ്ലാൻഡ്സ്)
3. അഖില അജിത് (ലൂട്ടൻ കേരളൈറ്റ്സ് അസ്സോസ്സിയേഷൻ, ഈസ്റ്റ് ആംഗ്ളിയ).
ഗിറ്റാർ (സബ്ബ് ജൂണിയർ):-
1. എയ്സൽ ജെയിംസ് വിപിൻ (സി.കെ.സി. കവന്റ്റി, മിഡ്ലാൻഡ്സ്)
2. ഇവാന അമ്പിപ്പറമ്പിൽ (കെ.സി.ഡബ്ള്യു.എ. ക്രോയ്ഡൺ, സൌത്ത് ഈസ്റ്റ്).
ഗിറ്റാർ (ജൂണിയർ):-
1. ജെയ്സ് ഇമ്മാനുവൽ (ഡി.കെ.സി. പൂൾ, സൌത്ത് ഈസ്റ്റ്)
2. കെവിൻ ക്ളീറ്റസ് (ജി.എ.സി.എ. ഗിൽഡ്ഫോർഡ്, സൌത്ത് ഈസ്റ്റ്).
കീ ബോർഡ് (സബ്ബ് ജൂണിയർ):-
1. വൈഗ ദിലീപൻ (സംഗീത ഓഫ് യു കെ ക്രോയ്ഡൻ, സൌത്ത് ഈസ്റ്റ്)
2. ഏഡ്റിയൽ സൈലസ് വിപിൻ (സി.കെ.സി. കവന്റ്റി, മിഡ്ലാൻഡ്സ്)
3. മാനവ് ജിതേഷ് (ഓക്സ്ഫോർഡ് മലയാളി സമാജം, സൌത്ത് വെസ്റ്റ്).
കീ ബോർഡ് (ജൂണിയർ):-
1. കെവിൻ ടൈറ്റസ് (സി.എം.എ. കാർഡിഫ്, വെയിൽസ്)
2. ആൽവിൻ അരുൺ തോമസ് (ലൂട്ടൻ കേരളൈറ്റ്സ് അസ്സോസ്സിയേഷൻ, ഈസ്റ്റ് ആംഗ്ളിയ)
3. അദ്വിക അമ്പിപ്പറമ്പിൽ (കെ.സി.ഡബ്ള്യു.എ. ക്രോയ്ഡൺ, സൌത്ത് ഈസ്റ്റ്).
കീ ബോർഡ്‌ (സീനിയർ):-
1. ആനി അലോഷ്യസ് (ലൂട്ടൻ കേരളൈറ്റ്സ് അസ്സോസ്സിയേഷൻ, ഈസ്റ്റ് ആംഗ്ളിയ).
മോഹിനിയാട്ടം (സബ്ബ് ജൂണിയർ):-
1. ഇവ മരിയ കുരിയാക്കോസ് (ഈസ്റ്റ് യോർക്ക്ഷയർ കൾച്ചറൽ ഓർഗനൈസേഷൻ, യോർക്ക്ഷയർ ആൻഡ് ഹംബർ)
2. ഹന്ന ജോൺസൺ (എസ്സ്.എം.എ. സ്കന്തോർപ്, യോർക്ക്ഷയർ ആൻഡ് ഹംബർ)
മോഹിനിയാട്ടം (ജൂണിയർ):-
1. ഗസൽ സൈമൺ ( എൽമ – 1 ലണ്ടൻ, ഈസ്റ്റ് ആംഗ്ളിയ)
2. അന്ന കുരീക്കൽ (ബി.എം.കെ.എ. ബെഡ്ഫോർഡ്, ഈസ്റ്റ് ആംഗ്ളിയ).
മോഹിനിയാട്ടം (സീനിയർ):-
1. ആനി അലോഷ്യസ് (ലൂട്ടൻ കേരളൈറ്റ്സ് അസ്സോസ്സിയേഷൻ, ഈസ്റ്റ് ആംഗ്ളിയ)
2. സിന്ധു രാമചന്ദ്രൻ (നോർമ മാഞ്ചസ്റ്റർ, നോർത്ത് വെസ്റ്റ്)
3. രജിത നമ്പ്യാർ (ഡബ്ള്യു.എം.എ. വിൽറ്റ്ഷയർ, സൌത്ത് വെസ്റ്റ്).
മോണോ ആക്ട് (സബ് ജൂനിയർ):-
1. റോഷ്‌ന ജോൺ (സ്കന്തോർപ്പ് മലയാളി അസോസിയേഷൻ, യോർക് ഷെയർ & ഹംമ്പർ)
2. പ്രണവ് ജ്യോതി (മലയാളി അസോസിയേഷൻ ഓഫ് സൗത്താംപ്റ്റൺ)
3. ഫെലിക്സ് മാത്യു ( ലിവർപൂൾ മലയാളി അസോസിയേഷൻ, നോർത്ത് വെസ്റ്റ് )
മോണോ ആക്ട് (ജൂനിയർ):-
1. അഞ്ജലി ജോ പഴയാറ്റിൽ (നോർവിച്ച് മലയാളി അസോസിയേഷൻ, ഈസ്റ്റ് ആംഗ്ലിയ)
2. സൈറാ ജിജോ (ബി.സി.എം.സി, മിഡ്ലാൻഡ്സ്)
മോണോ ആക്ട് (സീനിയർ):-
1. റീജ ജോസഫ് (കീത് ലി മലയാളി അസോസിയേഷൻ, യോർക് ഷെയർ & ഹംമ്പർ)
2. നിശാന്ത് ഗോപിനാഥ് (വിൽഷെയർ മലയാളി അസോസിയേഷൻ, സൗത്ത് വെസ്റ്റ് )
3. അശ്വതി പ്രസന്നൻ (മലയാളി അസോസിയേഷൻ ഓഫ് സ്റ്റോക്ക്‌പോർട്ട്, നോർത്ത് വെസ്റ്റ് )
പദ്യപാരായണം (സബ് ജൂനിയർ):-
1. അലക്സാ പുല്ലക്കാട്ട് (ബി.സി.എം. സി, മിഡ്ലാൻഡ്സ്)
2. മൈക്കിൾ പ്രകാശ് ( സീമാ
ഈസ്റ്റ്ബോൺ, സൗത്ത് ഈസ്റ്റ് )
3. ജോഷ്വ വിക്ടർ (വിൽഷെയർ മലയാളി അസോസിയേഷൻ, സൗത്ത് വെസ്റ്റ് )
പദ്യപാരായണം (ജൂനിയർ):-
1. ട്രിഷാ സുധി ( ചെംസ്ർലൻ
ഡ് മലയാളി അസോസിയേഷൻ, ഈസ്റ്റ് ആംഗ്ലിയ)
2. സൈറാ ജിജോ (ബി സി.എം.സി, മിഡ്ലാൻഡ്സ്)
3. ടെസ്സാ സൂസൺ ജോൺ (കേംബ്രിഡ്ജ് മലയാളി അസോസിയേഷൻ, ഈസ്റ്റ് ആംഗ്ലിയ)
പദ്യപാരായണം (സീനിയർ):
1. സാജു വർഗ്ഗീസ് ( എർഡിംങ്ൺ മലയാളി അസോസിയേഷൻ, മിഡ്ലാൻഡ്)
2. ഷാരോൺ ജേക്കബ് (സ്കന്തോർപ്പ് മലയാളി അസോസിയേഷൻ,
യോർക് ഷെയർ & ഹംമ്പർ)
3. ലീനുമോൾ ചാക്കോ  (സ്കന്തോർപ്പ് മലയാളി അസോസിയേഷൻ,
യോർക് ഷെയർ & ഹംമ്പർ)
സോളോ സോംഗ് (കിഡ്സ് – മലയാളം/ഇംഗ്ലീഷ്):-
1. ജാൻവി ജയേഷ് നായർ (വിൽ ഷെയർ മലയാളി അസോസിയേഷൻ, സൗത്ത് വെസ്റ്റ് )
2. ആൻ എലിസബത്ത് ജോബി(ബേസിംങ്സ്റ്റോക്ക് മലയാളി കൾച്ചറൽ അസോസിയേഷൻ സൗത്ത് വെസ്റ്റ്)
3. എഡ്വിൻ ആൻഡ്രൂസ് റോയ് (മലയാളി അസോസിയേഷൻ ഓഫ് സ്റ്റോക്ക് പോർട്ട്, നോർത്ത് വെസ്റ്റ് )
സോളോ സോംഗ് ( സബ് ജൂനിയർ):-
1. ജോഹന്ന ജേക്കബ് ( ലിവർപൂൾ മലയാളി കൾച്ചറൽ അസോസിയേഷൻ, നോർത്ത് വെസ്റ്റ് )
2. ഇസബെൽ ഫ്രാൻസീസ് ( ലിവർപൂൾ മലയാളി അസോസിയേഷൻ, നോർത്ത് വെസ്റ്റ്)
3. ഫെബിയ ജിസ്മോൻ (വാറിംഗ്ടൺ മലയാളി അസോസിയേഷൻ, നോർത്ത് വെസ്റ്റ് )
സോളോ സോംഗ് (ജൂനിയർ):-
1. ജീവൻ ടെന്നി (വോക്കിംങ്ങ് മലയാളി അസോസിയേഷൻ, സൗത്ത് ഈസ്റ്റ്)
2. അന്ന ജിമ്മി (ബി.സി.എം.സി, മിഡ്ലാൻഡ്സ്)
3. അഡേൽ ബഷീർ (വിൽഷെയർ മലയാളി അസോസിയേഷൻ, സൗത്ത് വെസ്റ്റ് )
സോളോ സോംഗ് (സീനിയർ):-
1. ആനി അലോഷ്യസ് (ലൂട്ടൻ കേരളെെറ്റ്സ്, ഈസ്റ്റ് ആംഗ്ലിയ)
2. സാജു വർഗ്ഗീസ് (എർഡിംങ്ടൺ മലയാളി അസോസിയേഷൻ, മിഡ്ലാൻഡ്സ് )
3. ജിസ്മോൾ ജോസ് (മലയാളി അസോസിയേഷൻ ഓഫ്
സ്റ്റോക്ക്പോർട്ട്, നോർത്ത് വെസ്റ്റ് )
സ്റ്റോറി ടെല്ലിംഗ് (കിഡ്സ് – ഇംഗ്ലീഷ് / മലയാളം):-
1. ജാൻവി ജയേഷ് നായർ (വിൽഷെയർ മലയാളി അസോസിയേഷൻ, സൗത്ത് വെസ്റ്റ്)
2. നോഹ എബ്രഹാം ആൻ്റണി (വോക്കിംഗ് മലയാളി അസോസിയേഷൻ, സൗത്ത് ഈസ്റ്റ്)
3. അമിലിയ സാറാസ് (സൗത്തെൻഡ് മലയാളി അസോസിയേഷൻ, ഈസ്റ്റ് ആംഗ്ലിയ)
വയലിൻ (സബ് ജൂനിയർ):-
1. എയ്ഡീൻ ടൈറ്റസ് (കാർഡിഫ് മലയാളി അസോസിയേഷൻ, വെയിൽസ്)
2. ഓം ദേവ് (നോർത്ത് മാഞ്ചസ്റ്റർ മലയാളി അസോസിയേഷൻ, നോർത്ത് വെസ്റ്റ് )
3. സ്റ്റീവ് ലൂബി മാത്യൂസ് (എൽമ1, ഈസ്റ്റ് ആംഗ്ലിയ)
വയലിൻ (ജൂനിയർ):-
1. ഫ്രെയാ സാജു (ബർമിംങ്ഹാം കേരള വേദി,മിഡ്ലാൻഡ്സ് )
2. കെവിൻ ടൈറ്റസ് (കാർഡിഫ് മലയാളി അസോസിയേഷൻ, വെയിൽസ്)
3. ഒലിവിയ എഡിസൻ (ഒരുമ ബെറിൻസ്ഫീൽഡ്, സൗത്ത് വെസ്റ്റ്)
വയലിൻ (സീനിയർ):-
ശാന്തി വർഗീസ് (സ്കന്തോർപ്പ് മലയാളി അസോസിയേഷൻ, യോർക് ഷെയർ & ഹംമ്പർ)
നാട്യ മയൂരം
മരിയ രാജു ( ഈസ്റ്റ് യോർക് ഷെയർ കൾച്ചറൽ ഓർഗനൈസേഷൻ, യോർക് ഷെയർ & ഹംമ്പർ)
ഭാഷാ കേസരി
കെവിൻ ടൈറ്റസ് (കാർഡിഫ് മലയാളി അസോസിയേഷൻ, വെയിൽസ്)
വ്യക്തിഗത ചാമ്പ്യൻമാർ
കിഡ്സ് – ജാൻവി ജയേഷ് നായർ (വിൽഷെയർ മലയാളി അസോസിയേഷൻ, സൗത്ത് വെസ്റ്റ് )
സബ് ജൂനിയർ – മരിയ രാജു ( ഈസ്റ്റ് യോർക് ഷെയർ കൾച്ചറൽ ഓർഗനൈസേഷൻ (ഇ വൈ സി ഒ), യോർക് ഷെയർ & ഹംമ്പർ)
ജൂനിയർ – ടോണി അലോഷ്യസ് (ലൂട്ടൺ കേരളൈറ്റ്സ്, ഈസ്റ്റ് ആംഗ്ലിയ)
സീനിയർ – ആനി അലോഷ്യസ് ലൂട്ടൺ കേരളൈറ്റ്സ്, ഈസ്റ്റ് ആംഗ്ലിയ)
കലാപ്രതിഭ
ടോണി അലോഷ്യസ് (ലൂട്ടൺ കേരളൈറ്റ്സ്, ഈസ്റ്റ് ആംഗ്ലിയ)
കലാതിലകം
ആനി അലോഷ്യസ് (ലൂട്ടൺ കേരളൈറ്റ്സ്, ഈസ്റ്റ് ആംഗ്ലിയ)
ചാമ്പ്യൻ അസ്സോസ്സിയേഷൻ:-
1. ലൂട്ടൻ കേരളൈറ്റ്സ് അസ്സോസ്സിയേഷൻ – 37 പോയിന്റ്
2. വിൽറ്റ്ഷയർ മലയാളി അസ്സോസ്സിയേഷൻ – 36 പോയിന്റ്
3. ഈസ്റ്റ് യോർക്ക്ഷയർ കൾച്ചറൽ ഓർഗനൈസേഷൻ – 27 പോയിന്റ്
4. ബർമിംഗ്ഹാം സിറ്റി മലയാളി കമ്മ്യൂണിറ്റി – 22 പോയിന്റ്.
5. നോർവിച്ച് മലയാളി അസ്സോസിയേഷൻ – 17 പോയിന്റ്.
5. സ്കന്തോർപ്പ് മലയാളി അസ്സോസ്സിയേഷൻ – 17 പോയിന്റ്.
ചാമ്പ്യൻ റീജിയൺ:–
1. ഈസ്റ്റ് ആംഗ്ളിയ റീജിയൺ – 88 പോയിന്റ്
2. യോർക്ക്ഷയർ ആന്റ് ഹംബർ റീജിയൺ – 62 പോയിന്റ്
3. മിഡ്‌ലാൻഡ് റീജിയൺ – 51 പോയിന്റ്
4. സൌത്ത് വെസ്റ്റ് റീജിയൺ – 50 പോയിന്റ്
5. സൌത്ത് ഈസ്റ്റ് റീജിയൺ – 46 പോയിന്റ്.
January 6, 2021 in Community Comments (0)

കേരളാ ആരോഗ്യ മന്ത്രി കെ കെ ശൈലജ ടീച്ചർ യുക്മ പുതുവത്സരാഘോഷങ്ങൾ ഉദ്ഘാടനം ചെയ്യും…….. ഇന്ന് ഉച്ചകഴിഞ്ഞ് രണ്ടുമണിക്ക് യുക്മ ഫേസ്ബുക്ക് പേജിൽ പരിപാടികൾ സമാരംഭിക്കും……… ചലച്ചിത്രതാരം ബാല, പ്രശസ്ത നോവലിസ്റ്റ് പെരുമ്പടവം ശ്രീധരൻ, ഹൈബി ഈഡൻ എം പി എന്നിവർ ചടങ്ങിന് മോടി കൂട്ടും…….. ദേശീയ കലാമേള ഫലപ്രഖ്യാപനവും പുതുവർഷ ആഘോഷ വേദിയിൽ……

സജീഷ് ടോം 
(യുക്മ നാഷണൽ പി ആർ ഒ & മീഡിയ കോർഡിനേറ്റർ)
അതിജീവനത്തിന്റെ പ്രണവ മന്ത്രങ്ങളുമായി ലോകം പുതുവർഷത്തിലേക്ക് കടക്കുമ്പോൾ, പ്രതീക്ഷകളോടെ 2021 നെ എതിരേൽക്കാൻ യുക്മ ഒരുങ്ങുകയാണ്. ഇന്ന്, ജനുവരി രണ്ട് ശനിയാഴ്ച രണ്ട് മണിക്ക് UUKMA ഫേസ്ബുക്ക് പേജിൽ പുതുവത്സരാഘോഷ പരിപാടികൾ സമാരംഭിക്കും. പതിനൊന്നാമത് യുക്മ ദേശീയ കലാമേള വിജയികളെ പുതുവർഷാഘോഷ വേദിയിൽ പ്രഖ്യാപിക്കുന്നതാണ്.
കേരള ആരോഗ്യ – സാമൂഹ്യ ക്ഷേമ വകുപ്പ് മന്ത്രി ശ്രീമതി കെ കെ ശൈലജ ടീച്ചർ യുക്മ പുതുവത്സരാഘോഷ പരിപാടികളുടെ ഉദ്ഘാടനം നിർവഹിക്കും. കോവിഡ് വ്യാപനം തടയാൻ കൃത്യമായ ആസൂത്രണ വൈഭവത്തോടെയുള്ള ടീച്ചറിന്റെ പ്രവർത്തനങ്ങൾ ഏറെ ശ്‌ളാഘനീയം ആയിരുന്നു. 2020 ലെ ലോകത്തിലെ ഏറ്റവും സ്വാധീനം ചെലുത്തിയ പന്ത്രണ്ട് വനിതകളിൽ ഒരാളായി ശൈലജ ടീച്ചർ തെരഞ്ഞെടുക്കപ്പെട്ടത് ഏറെ ചർച്ചചെയ്യപ്പെട്ട ഒന്നാണ്. ലണ്ടൻ  ആസ്ഥാനമായുള്ള ഫിനാൻഷ്യൽ ടൈംസ് മാഗസിൻ നടത്തിയ അഭിപ്രായ സർവ്വേയിൽ ജർമ്മൻ ചാൻസലർ ആഞ്ചല മെർക്കൽ, ന്യൂസിലാൻഡ് പ്രധാനമന്ത്രി ജസീന്ത ആർഡൺ, അമേരിക്കൻ വൈസ് പ്രസിഡന്റായി തെരഞ്ഞെടുക്കപ്പെട്ട കമലാ ഹാരിസ് തുടങ്ങിയ ലോകനേതാക്കൾ ഉൾപ്പെടുന്ന ആദ്യ പന്ത്രണ്ട് പേരിൽ ഒരാളായി കേരളത്തിന്റെ ആരോഗ്യമന്ത്രി അംഗീകാരം നേടി എന്നത് ഓരോ മലയാളിക്കും അഭിമാനകരം തന്നെ ആണ്.
പ്രശസ്ത നോവലിസ്റ്റും ചെറുകഥാകൃത്തും, തിരക്കഥാകൃത്തുമായ ശ്രീ. പെരുമ്പടവം ശ്രീധരൻ ആയിരിക്കും യുക്മ പുതുവത്സര ആഘോഷ പരിപാടികളിലെ വിശിഷ്ടാതിഥി.  “ഒരു സങ്കീർത്തനം പോലെ” എന്ന ഒരൊറ്റ നോവലിലൂടെ വായനക്കാരുടെ മനസിൽ ഇടംനേടിയ പെരുമ്പടവം ശ്രീധരൻ കേരളാ സാഹിത്യ അക്കാദമി അവാർഡ്, വയലാർ അവാർഡ് ഉൾപ്പടെ ഒട്ടനവധി ബഹുമതികളും സ്വന്തമാക്കിയിട്ടുണ്ട്. കാൽ നൂറ്റാണ്ടിനിടെ 100 പതിപ്പുകളിലായി രണ്ടുലക്ഷത്തിലധികം കോപ്പികൾ വിറ്റഴിച്ചാണ് “ഒരു സങ്കീർത്തനം പോലെ” മലയാള നോവൽ ചരിത്രത്തിൽ ഇടംനേടിയത്.
പ്രശസ്ത തമിഴ് – മലയാള ചലച്ചിത്ര താരം ബാല കുമാർ സെലിബ്രിറ്റി അതിഥിയായി എത്തി പുതുവത്സരാഘോഷ പരിപാടികൾക്ക് ആവേശകരമായ ചാരുത പകരും. എറണാകുളം എം പി ശ്രീ ഹൈബി ഈഡൻ ദേശീയ കലാമേളയുടെ ആദ്യ ഫല പ്രഖ്യാപനം നടത്തിക്കൊണ്ട് ആശംസകൾ അർപ്പിക്കും.
പതിനൊന്നാമത് യുക്മ ദേശീയ കലാമേള വിജയികളെ പുതുവർഷാഘോഷ വേദിയിൽ പ്രഖ്യാപിക്കുന്നതോടൊപ്പം, ഒന്നാം സ്ഥാനം നേടിയ മത്സര ഇനങ്ങൾ കൂടി സംപ്രേക്ഷണം ചെയ്യുന്നതായിരിക്കുമെന്ന് യുക്മ ദേശീയ പ്രസിഡന്റ് മനോജ്‌കുമാർ പിള്ള, ജനറൽ സെക്രട്ടറി അലക്സ് വർഗീസ്, വൈസ് പ്രസിഡൻറ് അഡ്വ. എബി സെബാസ്റ്റ്യൻ, കലാമേളയുടെ ചുമതലയുള്ള വൈസ് പ്രസിഡൻറ് ലിറ്റി ജിജോ, ജോയിൻ്റ് സെക്രട്ടറി സാജൻ സത്യൻ  എന്നിവർ അറിയിച്ചു.
കോവിഡിന്റെ പ്രത്യേക സാഹചര്യത്തിൽ വെർച്വൽ പ്ലാറ്റ്‌ഫോമിൽ ആയിരുന്നു ഈ വർഷത്തെ യുക്മ ദേശീയ കലാമേള സംഘടിപ്പിച്ചത്. ഡിസംബർ പന്ത്രണ്ടിന് എസ് പി ബാലസുബ്രഹ്മണ്യം വെർച്വൽ നഗറിൽ സുപ്രസിദ്ധ ചെണ്ടമേളം വിദ്വാൻ പദ്മശ്രീ പെരുവനം കുട്ടൻമാരാർ ഉദ്ഘാടനം ചെയ്ത ദേശീയ കലാമേള യുക്മ ഫെയ്സ് ബുക്ക് പേജിലൂടെ എട്ട് ദിവസങ്ങൾ നീണ്ട സംപ്രേക്ഷണത്തിലൂടെയാണ് മത്സരങ്ങൾ പൂർത്തിയാക്കിയത്.
യുക്മ കേരളപ്പിറവി ആഘോഷങ്ങളുടേയും യുക്മ ദേശീയ വെർച്വൽ കലാമേള ഉദ്ഘാടന പരിപാടിയുടേയുമെല്ലാം അവതാരകയായി തിളങ്ങിയ ദീപാ നായർ തന്നെ ആയിരിക്കും പുതുവത്സരാഘോഷങ്ങളുടെയും അവതാരക. സൂര്യ ടി വി യിലൂടെ അവതാരകയായി ശ്രദ്ധേയയായ യു കെ യിലെ അറിയപ്പെടുന്ന നർത്തകിയും അവതാരകയുമായ ദീപ യുക്മയുടെ കലാഭൂഷണം അവാർഡ് ജേതാവ് കൂടിയാണ്.
യുക്മ പുതുവത്സര ആഘോഷത്തിലേക്കും, യുക്മ ദേശീയ വെർച്വൽ കലാമേളയുടെ ഫലപ്രഖ്യാപനത്തിലേക്കും  യുക്മ ദേശീയ സമിതിക്കു വേണ്ടി  ജനറൽ സെക്രട്ടറി അലക്സ് വർഗ്ഗീസ് ഹൃദയപൂർവ്വം സ്വാഗതം ചെയ്തു കൊള്ളുന്നു.
January 2, 2021 in Community Comments (0)

യുക്മ പുതുവത്സരാഘോഷങ്ങൾ ജനുവരി രണ്ട് ശനിയാഴ്ച….. പ്രശസ്ത നോവലിസ്റ്റ് പെരുമ്പടവം ശ്രീധരൻ വിശിഷ്ടാതിത്ഥിയായി പങ്കെടുക്കുന്നു….. ദേശീയ കലാമേള ഫലപ്രഖ്യാപനവും പുതുവർഷ ആഘോഷ വേദിയിൽ……

സജീഷ് ടോം 
(യുക്മ നാഷണൽ പി ആർ ഒ & മീഡിയ കോർഡിനേറ്റർ)
പ്രതീക്ഷകളുടെ പുതുവർഷത്തെ എതിരേൽക്കാൻ യുക്മ ഒരുങ്ങുകയാണ്. 2021 ജനുവരി രണ്ട് ശനിയാഴ്ച രണ്ട് മണിക്ക് UUKMA ഫേസ്ബുക്ക് പേജിൽ പുതുവത്സരാഘോഷ പരിപാടികൾ സമാരംഭിക്കും. പതിനൊന്നാമത് യുക്മ ദേശീയ കലാമേള വിജയികളെ പുതുവർഷാഘോഷ വേദിയിൽ പ്രഖ്യാപിക്കുന്നതാണ്.
പ്രശസ്ത നോവലിസ്റ്റും ചെറുകഥാകൃത്തും, തിരക്കഥാകൃത്തുമായ ശ്രീ. പെരുമ്പടവം ശ്രീധരൻ ആയിരിക്കും യുക്മ പുതുവത്സര ആഘോഷ പരിപാടികളിലെ വിശിഷ്ടാതിഥി.  “ഒരു സങ്കീർത്തനം പോലെ” എന്ന ഒരൊറ്റ നോവലിലൂടെ വായനക്കാരുടെ മനസിൽ ഇടംനേടിയ പെരുമ്പടവം ശ്രീധരൻ കേരളാ സാഹിത്യ അക്കാദമി അവാർഡ്, വയലാർ അവാർഡ് ഉൾപ്പടെ ഒട്ടനവധി ബഹുമതികളും സ്വന്തമാക്കിയിട്ടുണ്ട്. കാൽ നൂറ്റാണ്ടിനിടെ 100 പതിപ്പുകളിലായി രണ്ടുലക്ഷത്തിലധികം കോപ്പികൾ വിറ്റഴിച്ചാണ് “ഒരു സങ്കീർത്തനം പോലെ” മലയാള നോവൽ ചരിത്രത്തിൽ ഇടംനേടിയത്.
ഒരു സങ്കീര്‍ത്തനം പോലെ, അഭയം, അഷ്ടപദി, അന്തിവെയിലിലെ പൊന്ന്, ആയില്യം, ഒറ്റച്ചിലമ്പ്, അര്‍ക്കവും ഇളവെയിലും, ആരണ്യഗീതം, കാല്‍വരിയിലേക്ക് വീണ്ടും, ഇടത്താവളം, മേഘച്ഛായ, ഏഴാം വാതില്‍, എന്റെ ഹൃദയത്തിന്റെ ഉടമ, അരൂപിയുടെ മൂന്നാം പ്രാവ്, നാരായണം, തേവാരം, പകല്‍പൂരം, ഇലത്തുമ്പുകളിലെ മഴ, ഹൃദയരേഖ, അസ്തമയത്തിന്റെ കടല്‍, പിന്നെയും പൂക്കുന്ന കാട്, ഇരുട്ടില്‍ പറക്കുന്ന പക്ഷി, തൃഷ്ണ, സ്മൃതി, ഏഴാംവാതില്‍, തുടങ്ങിയവയാണ് പ്രധാനകൃതികള്‍.
കേരള സാഹിത്യ അക്കാദമി അവാർഡ്, വയലാര്‍ പുരസ്‌കാരം എന്നിവക്ക് പുറമെ, വി ടി ഭട്ടതിരിപ്പാട് സ്മാരക സാഹിത്യ പുരസ്‌കാരം, മഹാകവി ജി സ്മാരക പുരസ്‌കാരം, മികച്ച തിരക്കഥയ്ക്കുള്ള കേരള സംസ്ഥാന ചലച്ചിത്ര പുരസ്‌കാരം, കേരള സംസ്ഥാന ബാലസാഹിത്യ പുരസ്‌കാരം, മലയാറ്റൂര്‍ പുരസ്‌കാരം, വള്ളത്തോള്‍ പുരസ്‌കാരം തുടങ്ങിയവയും ലഭിച്ചിട്ടുണ്ട്.
പതിനൊന്നാമത് യുക്മ ദേശീയ കലാമേള വിജയികളെ പുതുവർഷാഘോഷ വേദിയിൽ പ്രഖ്യാപിക്കുന്നതാണെന്ന് യുക്മ ദേശീയ പ്രസിഡന്റ് മനോജ്‌കുമാർ പിള്ള, ജനറൽ സെക്രട്ടറി അലക്സ് വർഗീസ്, വൈസ് പ്രസിഡൻറ് അഡ്വ. എബി സെബാസ്റ്റ്യൻ, കലാമേളയുടെ ചുമതലയുള്ള വൈസ് പ്രസിഡൻറ് ലിറ്റി ജിജോ, ജോയിൻ്റ് സെക്രട്ടറി സാജൻ സത്യൻ  എന്നിവർ അറിയിച്ചു.
കോവിഡിന്റെ പ്രത്യേക സാഹചര്യത്തിൽ വെർച്വൽ പ്ലാറ്റ്‌ഫോമിൽ ആയിരുന്നു ഈ വർഷത്തെ യുക്മ ദേശീയ കലാമേള സംഘടിപ്പിച്ചത്. ഡിസംബർ പന്ത്രണ്ടിന് എസ് പി ബാലസുബ്രഹ്മണ്യം വെർച്വൽ നഗറിൽ സുപ്രസിദ്ധ ചെണ്ടമേളം വിദ്വാൻ പദ്മശ്രീ പെരുവനം കുട്ടൻമാരാർ ഉദ്ഘാടനം ചെയ്ത ദേശീയ കലാമേള യുക്മ ഫെയ്സ് ബുക്ക് പേജിലൂടെ എട്ട് ദിവസങ്ങൾ നീണ്ട സംപ്രേക്ഷണത്തിലൂടെയാണ് മത്സരങ്ങൾ പൂർത്തിയാക്കിയത്.
നിരവധി വിശിഷ്ട വ്യക്തികളുടെ സാന്നിധ്യവും വിവിധ സാംസ്ക്കാരിക കലാ പരിപാടികളും യുക്മയുടെ പുതുവർഷ പരിപാടികൾക്ക് മാറ്റുകൂട്ടും.
January 2, 2021 in Community Comments (0)

പതിനൊന്നാമത് യുക്മ ദേശീയ വെർച്വൽ കലാമേളയ്ക്ക് ഇന്ന് തിരശ്ശീല വീഴും…. എസ് പി ബി വെർച്വൽ നഗറിൽ ഇന്ന് തിങ്കൾ വൈകുന്നേരം 5 മുതൽ മത്സരങ്ങൾ… യു കെയിലും ലോകമെങ്ങും തരംഗമായി മാറിയ കലാമേളയുടെ അരങ്ങിലെത്തിയത് അഞ്ഞൂറിലേറെ കലാപ്രതിഭകൾ….

സജീഷ് ടോം
(യുക്മ നാഷണൽ പി ആർ ഒ & മീഡിയ കോർഡിനേറ്റർ)

പതിനൊന്നാമത് യുക്മ ദേശീയ കലാമേളയ്ക്ക്  എസ് പി ബി വെർച്വൽ നഗറിൽ ഇന്ന് തിങ്കളാഴ്ച (28/12/20) തിരശ്ശീല വീഴും. അവസാന ദിവസമായ ഇന്ന് വൈകുന്നേരം 5 മുതൽ കിഡ്സ് സബ് ജൂനിയർ,  ജൂനിയർ, സീനിയർ വിഭാഗങ്ങളിലെ മത്സരങ്ങളായിരിക്കും സംപ്രേക്ഷണം ചെയ്യുന്നത്. യു കെയിലും ലോകമെങ്ങും യുക്മ കലാമേള 2020 തരംഗമായി മാറിക്കഴിഞ്ഞു.

പ്രവാസി ലോകത്തിന് അത്ഭുതവും ആവേശവും വാരി വിതറി ലോക മലയാളി സമൂഹത്തിൻ്റെ അഭിമാനം വാനോളമുയർത്തിക്കൊണ്ട്,  അനശ്വര കലാകാരൻ എസ്.പി.ബാലസുബ്രഹ്മമണ്യത്തിൻ്റെ നാമധേയത്തിലുള്ള വെർച്വൽ  നഗറിൽ നടക്കുന്ന യുക്മ ദേശീയ കലാമേളയിലെ മത്സരങ്ങൾ അവസാന ദിവസത്തിലേക്ക് കടക്കുന്നത്.
ഇന്ന് തിങ്കൾ (28/12/20) വൈകുന്നേരം 5 മുതൽ  കിഡ്സ്, സബ് ജൂനിയർ,  ജൂനിയർ, സീനിയർ വിഭാഗം മത്സരങ്ങളാണ് സംപ്രേക്ഷണം ചെയ്യുന്നത്.  ബുധനാഴ്ച  നടന്ന മത്സരങ്ങളുടെ തുടർച്ചയായി സംപ്രേക്ഷണം ചെയ്യാത്ത ബാക്കി മത്സരങ്ങളാണ് ഇന്ന് സംപ്രേക്ഷണം ചെയ്യുന്നത്.
കിഡ്സ് വിഭാഗത്തിൽ സിനിമാറ്റിക് ഡാൻസ്, സ്റ്റോറി ടെല്ലിംഗ്, സോളോസോഗ് എന്നിവയും സബ് ജൂനിയർ വിഭാഗത്തിൽ ഭരതനാട്യം, സിനിമാറ്റിക് ഡാൻസ്, പ്രസംഗം (ഇംഗ്ലീഷ് ), നാടോടി നൃത്തം, കീബോർഡ്, മോഹിനിയാട്ടം, മോണോ ആക്ട്, പദ്യപാരായണം, സോളോ സോംഗ്, വയലിൻ എന്നിവയും  ജൂനിയർ വിഭാഗത്തിൽ ഭരതനാട്യം, സിനിമാറ്റിക് ഡാൻസ്, ഡ്രംസ്, പ്രസംഗം (ഇംഗ്ലീഷ് & മലയാളം) നാടോടി നൃത്തം, കീബോർഡ്, മോഹിനിയാട്ടം, പദ്യപാരായണം, സോളോ സോംഗ്, വയലിൻ മത്സരങ്ങളും സീനിയർ വിഭാഗത്തിൽ ഭരതനാട്യം, സിനിമാറ്റിക് ഡാൻസ്, ഡ്രംസ്, പ്രസംഗം (മലയാളം), മോഹിനിയാട്ടം, മോണോ ആക്ട്, പദ്യ പാരായണം, സോളോ സോംഗ് എന്നീ മത്സരങ്ങളാണ് ഇന്ന് വൈകുന്നേരം 5 മണി മുതൽ   യുക്മയുടെ ഔദ്യോഗിക ഫെയ്സ് ബുക്ക് പേജായ UUKMA യിലൂടെ സംപ്രേക്ഷണം ചെയ്യുന്നത്.

സുപ്രസിദ്ധ ചെണ്ടമേളം വിദ്വാൻ  പത്മശ്രീ പെരുവനം കുട്ടൻ മാരാരുടെ  പുകൾപെറ്റ മേളപ്പെരുമയിൽ  ഉദ്ഘാടനം ചെയ്യപ്പെട്ട പതിനൊന്നാമത് യുക്മ ദേശീയ വെർച്വൽ കലാമേളയുടെ എട്ടാം ദിവസം  ഭാഗം ഏഴിൽ  ഇന്ന് തിങ്കളാഴ്ച (28/12/20) വൈകുന്നേരം 5 മണി മുതലായിരിക്കും  മത്സരങ്ങൾ  യുക്മയുടെ ഒദ്യോഗിക ഫെയ്സ് ബുക്ക് പേജായ UUKMA യിലൂടെ സംപ്രേക്ഷണം ചെയ്യുന്നത്. വിവിധ കാറ്റഗറികളിലും വ്യത്യസ്ത ഇനങ്ങളിലുമായി അഞ്ഞൂറിലേറെ മത്സരാർത്ഥികളാണ് കലാമേളയിൽ മാറ്റുരക്കുന്നത്.

ഉദ്ഘാടന ചടങ്ങിന് ശേഷം സബ് ജൂനിയേർസ് ഭരതനാട്യത്തോടുകൂടി ആരംഭിച്ച മത്സരങ്ങളുടെ തുടർച്ചയായാണ് ഇന്ന് തിങ്കളാഴ്ച  (28/12/20)  വിവിധ വിഭാഗങ്ങളിലെ മത്സരങ്ങൾ സംപ്രേക്ഷണം ചെയ്യുന്നത്.

2021 ജനുവരി 2  ശനിയാഴ്ച യുക്മ സംഘടിപ്പിച്ചിരിക്കുന്ന പുതുവത്സര ആഘോഷ പരിപാടിയിൽ വിധി നിർണയം പൂർത്തിയാക്കി ദേശീയ കലാമേളയുടെ സമാപനവും ഫല പ്രഖ്യാപനവും പ്രഖ്യാപിക്കുവാൻ കഴിയുന്ന രീതിയിലാണ് കലാമേളയുടെ ക്രമീകരണങ്ങൾ പുരോഗമിക്കുന്നത്.

വെർച്വൽ പ്ലാറ്റ്‌ഫോമിന്റെ സാധ്യതകളും വെല്ലുവിളികളും ഏറ്റെടുത്തുകൊണ്ട് യുക്മ നടത്തുന്ന ദേശീയ കലാമേള ലോകമെമ്പാടുമുള്ളവരുടെ സ്വീകരണ മുറികളിലേക്കെത്തുമ്പോൾ, അതിനെ സഹർഷം സ്വീകരിക്കുകയും ഏറ്റെടുക്കുകയും ചെയ്ത എല്ലാ കലാ സ്നേഹികളോടും നന്ദി പറഞ്ഞ് കൊണ്ടും, കലാമേളയിൽ മത്സരാർത്ഥികളായി പ്രത്യേക സാഹചര്യത്തിലും പങ്കെടുത്ത് വിജയിപ്പിച്ച എല്ലാവർക്കും അഭിനന്ദനങ്ങൾ അർപ്പിച്ചുകൊണ്ടും, അവസാന ദിവസമായ ഇന്നും മത്സരാർത്ഥികളെ ഹൃദയപൂർവ്വം പ്രോത്സാഹിപ്പിക്കണമെന്ന് യുക്മ ദേശീയ നിർവ്വാഹക സമിതിക്ക് വേണ്ടി ജനറൽ സെക്രട്ടറി അലക്സ് വർഗ്ഗീസ് അഭ്യർത്ഥിച്ചു.

December 28, 2020 in Community Comments (0)

പെരുവനത്തിന്റെ മേളപ്പെരുമയിൽ പതിനൊന്നാമത് യുക്മ ദേശീയ വെർച്വൽ കലാമേളക്ക് തുടക്കമായി……. പ്രവാസി ലോകത്തിന് മഹാത്ഭുതം രചിച്ചുകൊണ്ട് അരങ്ങേറുന്ന മത്സര പരമ്പരയിൽ മാറ്റുരക്കുന്നത് അഞ്ഞൂറോളം മത്സരാർത്ഥികൾ….

സജീഷ് ടോം 
(യുക്മ നാഷണൽ പി ആർ ഒ & മീഡിയ കോർഡിനേറ്റർ)
പതിനൊന്നാമത് യുക്മ ദേശീയ കലാമേളയ്ക്ക് തുടക്കമായി.  സുപ്രസിദ്ധ ചെണ്ടമേളം വിദ്വാൻ  പത്മശ്രീ പെരുവനം കുട്ടൻ മാരാരുടെ  പുകൾപെറ്റ മേളപ്പെരുമയിൽ ദേശീയ വെർച്വൽ കലാമേള ഉദ്ഘാടനം ചെയ്യപ്പെട്ടു. കോവിഡ് കാലഘട്ടത്തിൽ  ഇത്രയേറെ  പ്രതിസന്ധികളെ അതിജീവിച്ച് കലാമേള സംഘടിപ്പിച്ച യുക്മയെ  പ്രശംസിച്ച അദ്ദേഹം  ചെണ്ട  വായിച്ച്  കലാമേള ഔദ്യോഗികമായി ഉദ്ഘാടനം ചെയ്തതായി  പ്രഖ്യാപിച്ചു.
തൃശ്ശൂർ പൂരത്തിലെ കേളികേട്ട ഇലഞ്ഞിത്തറ മേളം അടക്കം കേരളത്തിലെ പ്രശസ്തങ്ങളായ നിരവധി ഉത്സവങ്ങൾക്ക് മേള പ്രമാണിയായ പ്രസിദ്ധ ചെണ്ടമേളം വിദ്വാൻ പത്മശ്രീ പെരുവനം കുട്ടൻ മാരാർ യുക്മ ദേശീയ കലാമേളയുടെ ഉദ്ഘാടകനായി എത്തി എന്നതു തന്നെ യുക്മയ്ക്കും യു.കെ മലയാളി കലാലോകത്തിന് തന്നെയും വലിയൊരു അംഗീകാരമായി വിലയിരുത്തപ്പെടുന്നു. മേളപ്പെരുക്കങ്ങളുടെ തമ്പുരാനായ പെരുവനം കുട്ടൻ മാരാർ 2011 ൽ പത്മശ്രീ അവാർഡിന് സമ്മാനിതനാകുകവഴി ഒരു രാഷ്ട്രത്തിന്റെ മുഴുവൻ ആദരവ് ഏറ്റുവാങ്ങിയ ഗുരുതുല്യനായ കലാകാരനാണ്.
യുക്മ ദേശീയ പ്രസിഡന്റ് മനോജ്‌കുമാർ പിള്ള അദ്ധ്യക്ഷത വഹിച്ച ചടങ്ങിൽ മുൻ ലൗട്ടൻ മേയർ ശ്രീ ഫിലിപ്പ് എബ്രഹാം, ദേശീയ വൈസ് പ്രസിഡന്റ്മാരായ അഡ്വ. എബി സെബാസ്റ്റ്യൻ, ലിറ്റി ജിജോ എന്നിവർ സംസാരിച്ചു. സാജൻ സത്യൻ ഭദ്രദീപം തെളിയിച്ചു. യു.കെ യിലെ അറിയപ്പെടുന്ന നർത്തകിയും നൃത്താധ്യാപികയുമായ മഞ്ജു സുനിൽ അവതരിപ്പിച്ച രംഗപൂജയോട് കൂടെ ഉദ്ഘാടന പരിപാടികൾ ആരംഭിച്ചു. സൂര്യ ടിവി യിലൂടെ അവതാരകയായി ശ്രദ്ധേയയായ യു.കെയിലെ സാംസ്ക്കാരിക രംഗത്തെ നിറസാന്നിധ്യം ദീപ നായർ  അവതരണത്തിന്റെ മികവുമായി ദേശീയ കലാമേള ഉദ്ഘാടന ചടങ്ങുകൾക്ക് ചാരുത പകർന്നു.
യശഃശരീരനായ സംഗീത ചക്രവർത്തി എസ് ബി ബാലസുബ്രഹ്മണ്യത്തിന് ആദരവ് അർപ്പിച്ചുകൊണ്ട്, അദ്ദേഹത്തിന്റെ നാമധേയത്വത്തിലുള്ള എസ് പി ബി വെർച്വൽ നഗറിലാണ് പതിനൊന്നാമത് യുക്മ ദേശീയ കലാമേള അരങ്ങേറുന്നത്. കോവിഡ് മഹാമാരിയുടെ പശ്ചാത്തലത്തിൽ സാങ്കേതിക വിദ്യയുടെ സാധ്യതകൾ പ്രയോജനപ്പെടുത്തിക്കൊണ്ട് നടക്കുന്ന യുക്മ ദേശീയ കലാമേളയിൽ ഇനിയുള്ള ദിവസങ്ങൾ  മത്സര പോരാട്ടങ്ങൾതന്നെ ആയിരിക്കുമെന്ന് യുക്മ ദേശീയ ജനറൽ സെക്രട്ടറി അലക്സ് വർഗീസ് പറഞ്ഞു. യുക്മ ദേശീയ ഭാരവാഹികളായ അനീഷ് ജോൺ, സെലീന സജീവ്, ടിറ്റോ  തോമസ്  എന്നിവർ  പരിപാടികൾക്ക്  നേതൃത്വം നൽകി.
മുൻകൂട്ടി അറിയിച്ച്  സംപ്രക്ഷേപണം ചെയ്യുന്ന രീതിയിലാണ് യുക്മ ദേശീയ കലാമേള മത്സരങ്ങൾ ക്രമീകരിച്ചിരിക്കുന്നത്. യുക്മയുടെ ഔദ്യോഗീക ഫേസ്ബുക്ക് പേജായ UUKMA യിലൂടെയാണ് മത്സരങ്ങൾ സംപ്രേക്ഷണം ചെയ്യപ്പെടുന്നത്. വിവിധ കാറ്റഗറികളിലും വ്യത്യസ്ത ഇനങ്ങളിലുമായി അഞ്ഞൂറിലേറെ മത്സരാർത്ഥികളാണ് മേളയിൽ മാറ്റുരക്കുന്നത്.
ഉദ്ഘാടന ചടങ്ങിന് ശേഷം സബ് ജൂനിയേർസ് ഭരതനാട്യത്തോടുകൂടി മത്സരങ്ങൾക്ക് തുടക്കമായി. മുൻകൂട്ടി അറിയിച്ച് തുടർന്നുള്ള ദിവസങ്ങളിൽ വൈകുന്നേരം ആറ് മണിമുതൽ നാല് മണിക്കൂർ നീണ്ടു നിൽക്കുന്ന വിധമാണ് മത്സരങ്ങൾ ക്രമീകരിച്ചിരിക്കുന്നത്. 2021 ജനുവരി 2  ശനിയാഴ്ച യുക്മ സംഘടിപ്പിച്ചിരിക്കുന്ന പുതുവത്സര ആഘോഷ പരിപാടിയിൽ ദേശീയ കലാമേളയുടെ സമാപനവും ഫല പ്രഖ്യാപനങ്ങളും സമ്മാന വിതരണവും നടത്തുന്നതാണ്.
വെർച്വൽ പ്ലാറ്റ്‌ഫോമിന്റെ സാധ്യതകളും വെല്ലുവിളികളും ഏറ്റെടുത്തുകൊണ്ട് യുക്മ നടത്തുന്ന ദേശീയ കലാമേള നിങ്ങളുടെ സ്വീകരണ മുറികളിലേക്കെത്തുമ്പോൾ, അതിനെ സഹർഷം ഏറ്റെടുക്കണമെന്നും മത്സരാർത്ഥികളെ ഹൃദയപൂർവ്വം പ്രോത്സാഹിപ്പിക്കണമെന്നും യുക്മ ദേശീയ നിർവ്വാഹക സമിതി അഭ്യർത്ഥിക്കുന്നു.
December 14, 2020 in Community Comments (0)

പത്മശ്രീ പെരുവനം കുട്ടൻ മാരാർ പതിനൊന്നാമത് യുക്മ ദേശീയ വെർച്വൽ കലാമേള ഉദ്ഘാടനം ചെയ്യും……….. മത്സര പരമ്പരയിൽ അഞ്ഞൂറോളം മത്സരാർത്ഥികൾ മാറ്റുരക്കും……….. യുക്മ യു – ഗ്രാന്റ് വിജയികൾക്കുള്ള സ്വർണ്ണ സമ്മാന വിതരണവും ഉദ്ഘാടന വേദിയിൽ

സജീഷ് ടോം
(യുക്മ നാഷണൽ പി ആർ ഒ & മീഡിയ കോർഡിനേറ്റർ)
യശഃശരീരനായ സംഗീത ചക്രവർത്തി എസ് ബി ബാലസുബ്രഹ്മണ്യത്തിന് ആദരവ് അർപ്പിച്ചുകൊണ്ട്, പതിനൊന്നാമത് യുക്മ ദേശീയ കലാമേള എസ് പി ബി വെർച്വൽ നഗറിൽ ഇന്ന്, ഡിസംബർ 12 ശനിയാഴ്ച ഉദ്ഘാടനം ചെയ്യപ്പെടും.  കോവിഡ് മഹാമാരിയുടെ പശ്ചാത്തലത്തിൽ സാങ്കേതിക വിദ്യയുടെ സാധ്യതകൾ പ്രയോജനപ്പെടുത്തിക്കൊണ്ട് നടക്കുന്ന യുക്മ ദേശീയ മേള പ്രവാസ ലോകത്തിന് വേറിട്ട അനുഭവമാക്കാനുള്ള തയ്യാറെടുപ്പിലാണ് സംഘാടകർ.
തൃശ്ശൂർ പൂരത്തിലെ കേളികേട്ട ഇലഞ്ഞിത്തറ മേളം അടക്കം കേരളത്തിലെ പ്രശസ്തങ്ങളായ നിരവധി ഉത്സവങ്ങൾക്ക് മേള പ്രമാണിയായ പ്രസിദ്ധ ചെണ്ടമേളം വിദ്വാൻ പത്മശ്രീ പെരുവനം കുട്ടൻ മാരാർ ആണ് പതിനൊന്നാമത് യുക്മ ദേശീയ കലാമേളയുടെ ഉദ്ഘാടകൻ. മേളപ്പെരുക്കങ്ങളുടെ തമ്പുരാനായ ശ്രീ പെരുവനം കുട്ടൻ മാരാർ 2011 ൽ പത്മശ്രീ അവാർഡിന് സമ്മാനിതനാകുകവഴി ഒരു രാഷ്ട്രത്തിന്റെ മുഴുവൻ ആദരവ് ഏറ്റുവാങ്ങിയ ഗുരുതുല്യനായ കലാകാരനാണ്.
യു കെ സമയം രാവിലെ പതിനൊന്ന് മണിക്കാണ് (ഇന്ത്യൻ സമയം വൈകുന്നേരം 4:30) ദേശീയ കലാമേളയുടെ ഉദ്ഘാടനം നടക്കുക. യു കെ യിലെ അറിയപ്പെടുന്ന നർത്തകിയും നൃത്താധ്യാപികയുമായ മഞ്ജു സുനിൽ അവതരിപ്പിക്കുന്ന രംഗപൂജയോട് കൂടെ ഉദ്ഘാടന പരിപാടികൾ സമാരംഭിക്കും. സൂര്യ ടി വി യിലൂടെ അവതാരകയായി ശ്രദ്ധേയയായ യു കെ യിലെ അറിയപ്പെടുന്ന നർത്തകിയും അവതാരകയുമായ ദീപ നായർ ആണ് അവതരണത്തിന്റെ മികവുമായി ദേശീയ കലാമേളയ്ക്ക് മിഴിവേകാൻ എത്തുന്നത്.
ഡിസംബർ 12 മുതൽ 19 വരെ ഒരാഴ്ച നീണ്ടുനിൽക്കുന്ന രീതിയിലാണ് യുക്മ ദേശീയ കലാമേള മത്സരങ്ങൾ ക്രമീകരിച്ചിരിക്കുന്നത്. യുക്മയുടെ ഔദ്യോഗീക ഫേസ്ബുക്ക് പേജായ UUKMA യിലൂടെയാണ് മത്സരങ്ങൾ സംപ്രേക്ഷണം ചെയ്യപ്പെടുന്നത്. വിവിധ കാറ്റഗറികളിലും വ്യത്യസ്ത ഇനങ്ങളിലുമായി അഞ്ഞൂറിലേറെ മത്സരാർത്ഥികളാണ് മേളയിൽ മാറ്റുരക്കുന്നത്.
ബ്രാൻഡ്‌ന്യൂ Peugeot 108 കാർ ഒന്നാം സമ്മാനം പ്രഖ്യാപിച്ചുകൊണ്ട് യുക്മ നടത്തിയ യു – ഗ്രാന്റ് ലോട്ടറിയുടെ സ്വർണ്ണനാണയ ജേതാക്കൾക്കുള്ള സമ്മാനദാനവും ദേശീയ കലാമേള ഉദ്ഘാടനത്തോടനുബന്ധിച്ച് നടത്തപ്പെടുന്നതാണ്. മുൻ വർഷങ്ങളിലേതുപോലെതന്നെ, യുക്മ യു ഗ്രാൻറ് ലോട്ടറിയുടെ എല്ലാ സമ്മാനങ്ങളും സ്പോൺസർ ചെയ്തിരിക്കുന്നത് യു കെ യിലെ പ്രമുഖ മലയാളി ബിസിനസ് സംരംഭകരായ അലൈഡ് മോർട്ട്ഗേജ് സർവീസസ് ആണ്.
വെർച്വൽ പ്ലാറ്റ്‌ഫോമിന്റെ സാധ്യതകളും വെല്ലുവിളികളും ഏറ്റെടുത്തുകൊണ്ട് യുക്മ നടത്തുന്ന ദേശീയ കലാമേള നിങ്ങളുടെ സ്വീകരണ മുറികളിലേക്കെത്തുമ്പോൾ, അതിനെ സഹർഷം ഏറ്റെടുക്കണമെന്നും മത്സരാർത്ഥികളെ ഹൃദയപൂർവ്വം പ്രോത്സാഹിപ്പിക്കണമെന്നും യുക്മ ദേശീയ പ്രസിഡന്റ് മനോജ്‌കുമാർ പിള്ള, ജനറൽ സെക്രട്ടറി അലക്സ് വർഗീസ്, ദേശീയ കലാമേള കോർഡിനേറ്റർ അഡ്വ എബി സെബാസ്റ്റ്യൻ, കൺവീനർമാരായ ലിറ്റി ജിജോ, സാജൻ സത്യൻ എന്നിവർ അഭ്യർത്ഥിക്കുന്നു.
 Please tune in our Facebook page UUKMA at 11:00 am GMT (4:30 pm IST) TODAY – Saturday 12th December 2020 for the most spectacular inaugural ceremony of UUKMA National Kalamela
December 12, 2020 in Community Comments (0)

അഞ്ഞൂറിലേറെ എൻട്രികൾ…… പതിനൊന്നാമത് യുക്മ ദേശീയ കലാമേള ഉദ്ഘാടനം ഡിസംബർ 12 ന് എസ് പി ബി വെർച്വൽ നഗറിൽ……… ഒരാഴ്ച നീണ്ടുനിൽക്കുന്ന മത്സര പരമ്പര കലാപ്രേമികൾക്ക് പുത്തൻ അനുഭവമാകും……. യുക്മ ബഹുവർണ്ണ സൗജന്യ സ്പൈറൽ കലണ്ടർ 2021 പ്രകാശനവും യു – ഗ്രാന്റ് വിജയികൾക്കുള്ള സ്വർണ്ണ സമ്മാന വിതരണവും ഉദ്ഘാടന വേദിയിൽ…….

സജീഷ് ടോം
(യുക്മ നാഷണൽ പി ആർ ഒ & മീഡിയ കോർഡിനേറ്റർ)
 
യശഃശരീരനായ സംഗീത ചക്രവർത്തി എസ് ബി ബാലസുബ്രഹ്മണ്യത്തിന് ആദരവ് അർപ്പിച്ചുകൊണ്ട്, പതിനൊന്നാമത് യുക്മ ദേശീയ കലാമേള എസ് പി ബി വെർച്വൽ നഗറിൽ ഡിസംബർ 12 ശനിയാഴ്ച ഉദ്ഘാടനം ചെയ്യപ്പെടും.  കോവിഡ് മഹാമാരിയുടെ പശ്ചാത്തലത്തിൽ സാങ്കേതിക വിദ്യയുടെ സാധ്യതകൾ പ്രയോജനപ്പെടുത്തിക്കൊണ്ട് നടക്കുന്ന യുക്മ ദേശീയ കലാമേള പ്രവാസ ലോകത്തിന് വേറിട്ട അനുഭവമാക്കാനുള്ള തയ്യാറെടുപ്പിലാണ് സംഘാടകർ.
ഡിസംബർ 12 മുതൽ 19 വരെ ഒരാഴ്ച നീണ്ടുനിൽക്കുന്ന രീതിയിലാണ് മത്സരങ്ങൾ ക്രമീകരിച്ചിരിക്കുന്നത്. യുക്മയുടെ ഔദ്യോഗീക ഫേസ്ബുക്ക് പേജായ UUKMA യിലൂടെയാണ് മത്സരങ്ങൾ സംപ്രേക്ഷണം ചെയ്യപ്പെടുന്നത്. യു കെ യിലെ അറിയപ്പെടുന്ന നർത്തകിയും നൃത്താധ്യാപികയുമായ മഞ്ജു സുനിൽ അവതരിപ്പിക്കുന്ന രംഗപൂജയോട് കൂടെ ആയിരിക്കും ദേശീയ കലാമേള ഉദ്ഘാടനം ചെയ്യപ്പെടുന്നത്. വിവിധ കാറ്റഗറികളിലും ഇനങ്ങളിലുമായി അഞ്ഞൂറിലേറെ എൻട്രികളാണ് കലാമേളയിലേക്ക് രജിസ്റ്റർ ചെയ്യപ്പെട്ടു കഴിഞ്ഞിരിക്കുന്നത്.
 
കലാമേള ഉദ്ഘാടനത്തോട് അനുബന്ധിച്ച് യുക്മ കലണ്ടർ 2021 ന്റെ പ്രകാശനവും നടക്കുന്നതാണ്. യു കെ മലയാളികളുടെ  സ്വീകരണമുറിക്ക് അലങ്കാരമായി ബഹുവര്‍ണ്ണങ്ങളില്‍ പ്രിന്റു ചെയ്ത സ്പൈറല്‍ കലണ്ടര്‍ ആണ് യുക്മ ഈ വർഷം തയ്യാര്‍ ചെയ്യുന്നത്. മുന്‍ വർഷങ്ങളിലേത് പോലെ തന്നെ തികച്ചും സൗജന്യമായി, പതിനയ്യായിരം കലണ്ടറുകളാണ് വിതരണത്തിനായി എത്തുന്നത്. 2021ലെ എല്ലാ മാസങ്ങളിലും, യുക്മ കലണ്ടര്‍ ഉപയോഗിക്കുന്നവരില്‍നിന്നും ഓരോ ഭാഗ്യശാലികളെ കണ്ടെത്തുന്ന ഒരു നൂതന സമ്മാന പദ്ധതിയും സൗജന്യമായിത്തന്നെ യുക്മ ഒരുക്കുന്നുണ്ട്. 
 
യുക്മ കലണ്ടറുകള്‍ ആവശ്യമുള്ള അംഗ അസോസിയേഷനുകള്‍ അതാത് റീജിയണല്‍ പ്രസിഡന്റുമാരുടെ അടുത്ത് ആവശ്യമുള്ള കലണ്ടറുകളുടെ എണ്ണം അറിയിച്ചാല്‍ മതിയാവും. കലണ്ടര്‍ ആവശ്യമുള്ള ഇതര സംഘടനകളും വ്യക്തികളും കലണ്ടറിന്റെ ചുമതലയുള്ള  ഭാരവാഹികളായ അഡ്വ. എബി സെബാസ്റ്റ്യന്‍ (07702862186), ടിറ്റോ തോമസ് (07723956930) സെലീന സജീവ് (07507519459) എന്നിവരുമായി നേരിട്ടോ, യുക്മ റീജിയണല്‍ ഭാരവാഹികള്‍ മുഖേനയോ ബന്ധപ്പെടാവുന്നതാണ്. യു.കെ മലയാളികള്‍ക്കായി യുക്മ ഒരുക്കുന്ന 2021ലെ മനോഹരമായ കലണ്ടര്‍ സ്വന്തമാക്കുന്നതിനുള്ള അവസരം യു.കെയിലെ എല്ലാ മലയാളികളും പ്രയോജനപ്പെടുത്തണമെന്ന്  ദേശീയ പ്രസിഡന്റ് മനോജ്‌കുമാര്‍ പിള്ള, ജനറല്‍ സെക്രട്ടറി അലക്സ് വര്‍ഗീസ് എന്നിവര്‍ അഭ്യര്‍ത്ഥിച്ചു. 
യുക്മ അംഗ അസോസിയേഷനുകൾക്ക് രജിസ്റ്റർ ചെയ്യാതെ തന്നെ കലണ്ടറുകൾ ലഭിക്കുന്നതാണ്. ഇനിയും കലണ്ടറുകൾ ആവശ്യമുള്ള അംഗ അസോസിയേഷനുകളല്ലാത്തവർക്കും, വ്യക്തികൾക്കും താഴെ കൊടുത്തിരിക്കുന്ന ലിങ്ക് വഴി രജിസ്റ്റർ ചെയ്യാവുന്നതാണ്.
 
 
ബ്രാൻഡ്‌ന്യൂ Peugeot 108 കാർ ഒന്നാം സമ്മാനം പ്രഖ്യാപിച്ചുകൊണ്ട് നടന്ന യുക്മ യു – ഗ്രാന്റ് ലോട്ടറിയുടെ സ്വർണ്ണനാണയങ്ങൾ സമ്മാനമായി ലഭിച്ചവർക്കുള്ള സമ്മാനദാനവും ദേശീയ കലാമേള ഉദ്ഘാടനത്തോടനുബന്ധിച്ച് യുക്മ നടത്തുകയാണ്.
പദ്ധതിയുടെ ഒന്നാം സമ്മാനമായ ബ്രാൻഡ്‌ന്യൂ Peugeot 108 കാർ ഹേവാർഡ്‌സ്ഹീത്തിൽ നിന്നുള്ള ജോബി പൗലോസ്  സ്വന്തമാക്കിയത്. യുക്മ പ്രസിഡന്റ് മനോജ്‌കുമാർ പിള്ളയും ദേശീയ വൈസ് പ്രസിഡന്റ് അഡ്വ.എബി സെബാസ്റ്റ്യനും റീജണൽ പ്രസിഡന്റ് ആന്റണി എബ്രഹാമും നേതൃത്വം നൽകുന്ന  സൗത്ത് ഈസ്റ്റ്‌ റീജിയണിലെ HUM ഹേവാർഡ്‌സ്ഹീത്ത് അസോസിയേഷൻ അംഗമാണ് ജോബി. എറണാകുളം കാലടി മാണിക്കമംഗലം സ്വദേശിയാണ് ജോബി. സുരഭി ജോബിയാണ്  ഭാര്യ. അമീലിയ, ആഞ്ചലീന എന്നിവരാണ്  മക്കൾ. ഹേവാർഡ്‌സ്ഹീത്തു പ്രിൻസ് റോയൽ ഹോസ്പിറ്റലിലാണ് ജോബിയും ഭാര്യ സുരഭിയും  ജോലി  ചെയ്യുന്നത്.
മിഡ്‌ലാൻഡ്‌സിലെ MIKCA വാൽസാൽ അസോസിയേഷൻ സെക്രട്ടറി കൂടിയായ  അജീസ് കുര്യൻ രണ്ടാം സമ്മാനമായ  ഇരുപത്തിനാല് ഗ്രാമിന്റെ സ്വർണ നാണയങ്ങൾക്ക് ഉടമയായപ്പോൾ, മൂന്നാം സമ്മാനമായ പതിനാറ് ഗ്രാമിന്റെ സ്വർണ്ണ നാണയങ്ങൾ WAM വെൻസ്‌ഫീൽഡ് അസോസിയേഷനിലെ ജിജിമോൻ സെബാസ്ററ്യനാണ് സ്വന്തമാക്കിയത്.
ഒരു പവൻ വീതം തൂക്കം വരുന്ന പതിനാറ് സ്വർണ്ണ നാണയങ്ങൾ ആണ് നാലാം സമ്മാനമായി ലഭിക്കുന്നത്. നേരത്തെ പ്രഖ്യാപിച്ചതുപോലെ യുക്മയുടെ ഓരോ റീജിയണുകൾക്കും ഒരു പവൻ വീതമുള്ള രണ്ട് സ്വർണ്ണ നാണയങ്ങൾ വീതം ലഭിക്കുന്ന വിധമാണ് നാലാം സമ്മാനത്തിന്റെ നറുക്കെടുപ്പ് നടന്നത്. മുൻ വർഷങ്ങളിലേതുപോലെതന്നെ യു കെ യിലെ പ്രമുഖ മലയാളി ബിസിനസ് സംരംഭകരായ അലൈഡ് മോർട്ട്ഗേജ് സർവീസസ് ആണ് യുക്മ യു ഗ്രാൻറ് – 2019 ന്റെ എല്ലാ സമ്മാനങ്ങളും  സ്പോൺസർ ചെയ്തിരിക്കുന്നത്.
മുൻ വർഷങ്ങളിൽ നിന്നും യുക്മ യു ഗ്രാന്റ് പദ്ധതി – 2019 നെ  ആകർഷകമാക്കി മാറ്റിയത്  എല്ലാ റീജിയണുകൾക്കും ഒരു പവൻ വീതമുള്ള  രണ്ട് സമ്മാനങ്ങൾ വീതം  ഗ്യാരണ്ടിയായി ഉറപ്പ് വരുത്തിയായിരുന്നു. ഓരോ റീജിയൺ തലത്തിൽ വിജയികളായവർ താഴെ പറയുന്നവരാണ്.
സൗത്ത് ഈസ്റ്റ്‌ റീജിയണിൽ ബോയ്സ് കൂവക്കാടൻ (WMA, വോക്കിങ്ങ്), തോമസ് ജോസഫ് (GMA, ഗിൽഡ്ഫോഡ്),  സൗത്ത് വെസ്റ്റ്‌ റീജിയണിൽ മാർട്ടിൻ സെബാസ്റ്റ്യൻ, എൽദോസ് മത്തായി എന്നിവർക്ക് സംയുക്തമായും, ഡോണി ഫിലിപ്പിനും (AMS
ഐൽസ്ബറി), ഈസ്റ്റ്‌ ആംഗ്ലിയ റീജിയണിൽ KCF വാറ്റ്ഫോർഡിലെ മനോജ് കുമാറിൻ്റെ മകൻ ആർത് മനോജ്‌കുമാറിനും, യുക്മ  ജ്വാല ചീഫ് എഡിറ്റർ റെജി  നന്തിക്കാട്ടിനും, മിഡ്ലാൻഡ്സ്  റീജിയൽ നിന്നും  ജോ ഐപ്പ് (BCMC, ബർമിങ്ഹാം), സാനു  ജോസഫ് (WAM, വെഡ്നെസ്ഫീൽഡ്) എന്നിവർക്കും യോർക്ക്ഷെയർ  & ഹമ്പർ റീജിയണിൽ രഞ്ജി വർക്കി (WYMA, വേക്ഫീൽഡ്), ഷിജു പുന്നൂസ് (SMA, ഷെഫീൽഡ്), സ്കോട്ട്ലാൻഡ്,  നോർത്ത് ഈസ്റ്റ്‌, വെയിൽസ്‌ എന്നീ സ്ഥലങ്ങളിൽ  നിന്നും ബിജു കുര്യാക്കോസ്  (SMA, സ്കോട്ലൻഡ്), സനീഷ് ചന്ദ്രൻ (CMA, കാർഡിഫ്), നോർത്ത് വെസ്റ്റ് റീജിയണിൽ LIMA ലിവർപൂൾ മുൻ സെക്രട്ടറി  എൽദോസ് സണ്ണി, ജിജോ കിഴക്കേക്കാട്ടിൽ (MMCA,  മാഞ്ചസ്റ്റർ), നാഷണൽ തലത്തിൽ  വർഗീസ് ഫിലിപ്പിൻ്റെ  മകൾ ഫെബ ഫിലിപ്പ് (OXMAS ഓസ്‌ഫോർഡ്) എന്നിവരാണ്  ഒരു പവൻ വീതം സ്വന്തമാക്കിയത്.
യു കെ മലയാളികൾക്കിടയിൽ വലിയൊരു ഭാഗ്യശാലിയെ കണ്ടെത്തുവാനുള്ള അസുലഭ അവസരമാണ് കഴിഞ്ഞ് മൂന്ന് വർഷങ്ങളായി  യു – ഗ്രാൻറ് നറുക്കെടുപ്പിലൂടെ യുക്മ ഒരുക്കിയത്. 2017 ൽ ഷെഫീൽഡിൽ നിന്നുമുള്ള സിബി മാനുവൽ  യു – ഗ്രാന്റ് ലോട്ടറിയുടെ ഒന്നാം സമ്മാനമായ ബ്രാൻഡ് ന്യൂ വോൾക്സ്‌വാഗൺ പോളോ കാർ സമ്മാനമായി നേടിയപ്പോൾ, 2018 ൽ ബർമിംഗ്ഹാം നിവാസിയായ സി എസ് മിത്രൻ ആണ് ഒന്നാം സമ്മാനമായ ടൊയോട്ട ഐഗോ കാർ സ്വന്തമാക്കിയത്
December 11, 2020 in Community Comments (0)

നഴ്സുമാരുടെ വേതന വര്‍ദ്ധനവ്; എം.പിമാര്‍ക്ക് കൂടുതലാളുകള്‍ നിവേദനം നല്‍കുവാന്‍ അഭ്യര്‍ത്ഥനയുമായി യുക്മ…

സജീഷ് ടോം
(യുക്മ നാഷണൽ പി ആർ ഒ & മീഡിയ കോർഡിനേറ്റർ)
യുക്മയുടെ നേതൃത്വത്തില്‍ നഴ്സുമാരുടെ വേതനവര്‍ദ്ധനവ് ഉള്‍പ്പെടെയുള്ള ആവശ്യങ്ങള്‍ ഉന്നയിച്ച് ബ്രിട്ടീഷ് പാര്‍ലമെന്റ് അംഗങ്ങള്‍ക്ക് നിവേദനം നല്‍കിയിരുന്നതില്‍ കൂടുതലാളുകളെ ക്ഷണിച്ച് കൊള്ളുന്നു.  എം.പിമാര്‍ക്ക് നിവേദനം നല്‍കുന്നതിനായുള്ള കാമ്പയ്നില്‍ ഇതുവരെ പങ്കെടുത്തത് 480 വ്യത്യസ്ത്യ പാര്‍ലമന്റ് മണ്ഡലങ്ങളില്‍ താമസിക്കുന്ന നഴ്സുമാര്‍ ഉള്‍പ്പെടെയുള്ള മലയാളി ആരോഗ്യപ്രവര്‍ത്തകരാണ്. ബ്രിട്ടണില്‍ ആകെയുള്ള 650 എംപിമാരില്‍ 480 പേരിലേയ്ക്കും അതത് മണ്ഡലങ്ങളില്‍ താമസിക്കുന്നവരെക്കൊണ്ട് തന്നെ നിവേദനം നല്‍കുവാന്‍ സാധിച്ചുവെന്നുള്ള ചരിത്ര നേട്ടമാണ് യുക്മ ഇതിലൂടെ കൈവരിച്ചത്.
ഇനിയും ബാക്കിയുള്ള 170 പാര്‍ലമെന്റ് മണ്ഡലങ്ങളില്‍ വോട്ടര്‍മാരായിട്ടുള്ള മലയാളികളെയാണ് ഈ സംരഭത്തില്‍ പങ്കാളികളാവുന്നതിന് വേണ്ടി ക്ഷണിക്കുന്നത്. പരമാവധി എംപിമാരിലേയ്ക്ക് ഈ വിഷയം എത്തിക്കുന്നതിന് വേണ്ടിയുള്ള ശ്രമങ്ങളാണ് ഇതിനോട് അനുബന്ധിച്ച് നടന്നു വരുന്നത്.
യുക്മയുടെ ദേശീയ ഭാരവാഹികള്‍, റീജിയണല്‍ ഭാരവാഹികള്‍, നഴ്സസ് ഫോറം നേതാക്കള്‍ മറ്റ് പോഷകസംഘടനാ ഭാരവാഹികള്‍, അംഗ അസോസിയേഷന്‍ ഭാരവാഹികള്‍ എന്നിവരുടെ സഹകരണത്തോടെയാണ് 480 എം.പിമാരിലേയ്ക്ക് നിവേദനം അവരുടെ വോട്ടര്‍മാരായ മലയാളി ആരോഗ്യപ്രവര്‍ത്തകരിലൂടെ സമര്‍പ്പിക്കുവാന്‍ സാധിച്ചത്. ഇനിയുള്ള 170 പാര്‍ലമെന്റ് മണ്ഡലങ്ങളില്‍ പലതിലും മലയാളികള്‍ താമസിക്കുന്നുണ്ടെങ്കിലും അസോസിയേഷനുകളും മറ്റും സജീവമല്ലാത്തതിനാല്‍ അവരെപ്പറ്റിയുള്ള വിവരങ്ങള്‍ ലഭ്യമല്ല. താഴെ പറയുന്ന പാര്‍ലമെന്റ് മണ്ഡലങ്ങളില്‍ വോട്ടര്‍മാരായിട്ടുള്ള ആളുകളെയാണ് നിവേദനം നല്‍കുന്നതിനായി വോളണ്ടിയര്‍മാരായി മുന്നോട്ട് വരുവാന്‍ ക്ഷണിക്കുന്നത്.
 
Derbyshire

 

  1. Amber Valley
  2. Derbyshire Dales
  3. Erewash
  4. High Peak

 Leicestershire

 

  1. Bosworth
  2. North West Leicestershire
  3. Rutland and Melton

Bedfordshire

 

  1. Luton South

 Cambridgeshire

 

  1. North East Cambridgeshire

Essex

 

  1. Braintree
  2. Brentwood and Ongar
  3. Epping Forest
  4. Harlow
  5. Harwich and North Essex CC
  6. Maldon CC
  7. Rayleigh and Wickford CC
  8. Saffron Walden CC
  9. South Basildon and East Thurrock CC
  10. Witham CC

Norfolk

1. North Norfolk

 London

 

1.      Battersea             

2.      Bermondsey and Old Southwark                     

3.      Brent Central

4.      Chelsea and Fulham

5.      Cities of London and Westminster

6.      Croydon South                         

7.      Ealing Central and Acton

8.      Finchley and Golders Green

9.      Hackney North and Stoke Newington

10.  Hackney South and Shoreditch

11.  Hampstead and Kilburn                       

12.  Hendon

13.  Holborn and St Pancras                       

14.  Hornsey and Wood Green

15.  Islington North

16.  Islington South and Finsbury

17.  Kensington               

18.  Leyton and Wanstead

19.  Poplar and Lime house

20.  Putney

21.  Richmond Park                          

22.  Streatham                

23.  Tottenham

24.  Vauxhall                 

25.  Westminster North

26.  Wimbledon

 North East

 

  1. North West Durham
  2. Sedgefield
  3. Wansbeck
  4. Darlington
  5. Hartlepool
  6. Sedgefield
  7. Stockton North
  8. Washington and Sunderland West

 

Cheshire

 

  1. Halton

Cumbria

 

  1. Barrow and Furness
  2. Copeland
  3. Workington

Greater Manchester

 

  1. Blackley and Broughton
  2. Denton and Reddish

 Lancashire

 

  1. Hyndburn
  2. Morecambe and Lunesdale
  3. Pendle
  4. Ribble Valley
  5. Rossendale and Darwen
  6. South Ribble
  7. West Lancashire

 Berkshire

 

  1. Maidenhead

Buckinghamshire

 

  1. Beaconsfield
  2. Buckingham
  3. Chesham and Amersham

East Sussex

 

  1. Brighton, Pavilion
  2. Hove
  3. Lewes
  4. Wealden

Hampshire

 

  1. East Hampshire
  2. North East Hampshire

Isle of Wight

 

  1. Isle of Wight

Surrey

 

  1. Epsom and Ewell
  2. Esher and Walton
  3. Mole Valley
  4. South West Surrey
  5. Spelthorne

Cornwall

 

  1. Camborne and Redruth
  2. North Cornwall
  3. St Ives
  4. South East Cornwall
  5. St Austell and Newquay

Devon

 

  1. Central Devon
  2. Newton Abbot
  3. Plymouth, Moor View
  4. Torridge and West Devon

 Gloucestershire

 

  1. Forest of Dean
  2. Stroud

Wiltshire

 

  1. South West Wiltshire

Shropshire

 

  1. Ludlow
  2. North Shropshire
  3. Shrewsbury and Atcham

 Staffordshire

 

  1. Cannock Chase
  2. South Staffordshire
  3. Staffordshire Moorlands
  4. Stone
  5. Tamworth

Warwickshire

 

  1. North Warwickshire

 West Midlands

 

  1. Birmingham, Hodge Hill
  2. Birmingham, Ladywood
  3. Meriden
  4. Stourbridge
  5. Walsall North

 

East Yorkshire

 

  1. Beverley and Holderness
  2. Brigg and Goole
  3. East Yorkshire
  4. Haltemprice and Howden
  5. Kingston upon Hull East

South Yorkshire

 

  1. Doncaster North
  2. Sheffield Central

 Northern Ireland

 

  1. East Antrim
  2. East Londonderry

Scotland

 

1.     Aberdeen South

2.     Angus South and Dundee East

3.     Ayr, Carrick and Cumnock

4.     Banff and Buchan

5.     Berwickshire, Roxburgh and Selkirk

6.     Caithness, Sutherland and Easter Ross

7.     Central Ayrshire

8.     Cumbernauld, Kilsyth and Kirkintilloch East

9.     Dumfries and Galloway

10. Dumfriesshire, Clydesdale and Tweeddale

11. Dundee East

12. Dundee West

13. East Dunbartonshire

14. East Lothian

15. East Renfrewshire

16. Edinburgh East

17. Edinburgh North and Leith

18. Glasgow Central

19. Glasgow South West

20. Glenrothes

21. Gordon

22. Inverclyde

23. Kilmarnock and Loudoun

24. Linlithgow and East Falkirk

25. Midlothian

26. Na h-Eileanan an Iar

27. North Ayrshire and Arran

28. North East Fife

29. Orkney and Shetland

30. Paisley and Renfrewshire North

31. Perth and North Perthshire

32. Ross, Skye and Lochaber

33. West Aberdeenshire and Kincardine

34. West Dunbartonshire

Wales

 

  1. Aberavon
  2. Aberconwy
  3. Alyn and Deeside
  4. Carmarthen East and Dinefwr
  5. Clwyd South
  6. Clwyd West
  7. Cynon Valley
  8. Dwyfor Meirionnydd
  9. Gower
  10. Islwyn
  11. Llanelli
  12. Merthyr Tydfil and Rhymney
  13. Monmouth
  14. Montgomeryshire
  15. Neath
  16. Ogmore
  17. Preseli Pembrokeshire
  18. Rhondda
  19. Swansea East
  20. Torfaen
ഈ ലിങ്കില്‍ ക്ലിക്ക് ചെയ്ത് നിങ്ങളുടെ പോസ്റ്റ്കോഡ് നല്‍കിയാല്‍ ഏത് പാര്‍ലമെന്റ് മണ്ഡലത്തിലാണ് ഉള്‍പ്പെടുന്നതെന്ന് അറിയുവാന്‍ കഴിയും

Constituencies – MPs and Lords – UK Parliament

Search and find constituencies in the United Kingdom by name, postcode or location.
വേതന വര്‍ദ്ധനവ് വിഷയത്തില്‍ ഫലപ്രദമായി ഇടപെടുന്നതോടൊപ്പം, കോവിഡ് കാലത്ത് പുതുതായി യു.കെയിലെത്തിയ ആയിരക്കണക്കിന് നേഴ്‌സുമാര്‍ക്ക് കുടുംബത്തെയും മാതാപിതാക്കളെയും യു.കെയില്‍ കൊണ്ടുവരുന്നതിന് സഹായകരമാകും വിധം വിസാ നിയമങ്ങളില്‍ അടിയന്തിരമായി ഇളവ് അനുവദിക്കുക, ആരോഗ്യ പ്രവര്‍ത്തകര്‍ക്കും കുടുംബത്തിനും 2015 മുതല്‍ ഈടാക്കിയ എന്‍.എച്ച്.എസ് സര്‍ചാര്‍ജ് തിരികെ നല്‍കുക, പുതുതലമുറ നേഴ്‌സിംഗ് ജീവനക്കാരുടെ കോവിഡ് പോരാട്ടത്തിന് അംഗീകാരമായി നിലവിലുള്ള വര്‍ക്ക് പെര്‍മിറ്റ് “ഓട്ടോമാറ്റിക് പെര്‍മനന്റ് റെസിഡന്‍സി” ആയി മാറ്റുക എന്നീ ആവശ്യങ്ങളാണ് യുക്മ ദേശീയ കമ്മറ്റി പ്രാദേശിക എം.പിമാര്‍ക്കു മുന്നില്‍ സമര്‍പ്പിക്കുന്നത്. ഇതില്‍ കോവിഡ് – 19 ഭീഷണിയില്‍ രാജ്യത്തോടൊപ്പം നിന്ന് പോരാടിയ ആരോഗ്യ മേഖലാ തൊഴിലാളികള്‍ക്ക് “ഓട്ടോമാറ്റിക് പെര്‍മനന്റ് റെസിഡന്‍സി” അനുവദിക്കണമെന്ന് ആവശ്യപ്പെട്ടുകൊണ്ട് വിവിധ പാര്‍ട്ടികളില്‍ നിന്നുള്ള ബ്രിട്ടീഷ് എം.പിമാര്‍ രംഗത്തു വന്നിരിക്കുകയാണ്. രാജ്യത്തെ പ്രധാന പ്രതിപക്ഷമായ ലേബര്‍ പാര്‍ട്ടിയില്‍ നിന്നും ഉള്‍പ്പെടെ വിവിധ പാര്‍ട്ടികളില്‍ നിന്നുള്ള 37 എം.പിമാര്‍ ഒപ്പിട്ട നിവേദനം കേന്ദ്ര പാര്‍ലമെന്ററി കാര്യ ചുമതലയുള്ള സെക്രട്ടറി ജേക്കബ് റീസ് മോഗിന് സമര്‍പ്പിച്ചുകഴിഞ്ഞു. മറ്റ് ആവശ്യങ്ങള്‍ക്കും കൂടുതല്‍ എം.പിമാരുടെ പിന്തുണ ഉറപ്പാക്കുന്നതിന് പരമാവധി എംപിമാര്‍ക്ക് നിവേദനം നല്‍കുന്നതിന് സഹകരിക്കുന്നതിന് ആളുകള്‍ മുന്നോട്ട് വരണമെന്നും യുക്മ ദേശീയ പ്രസിഡന്റ് മനോജ് പിള്ള, ജനറല്‍ സെക്രട്ടറി അലക്സ് വര്‍ഗ്ഗീസ്, കാമ്പയിന്‍ മാനേജര്‍ എബി സെബാസ്റ്റ്യന്‍ എന്നിവര്‍ അഭ്യര്‍ത്ഥിച്ചു. കൂടുതല്‍ വിവരങ്ങള്‍ക്ക് യുക്മ ദേശീയ ജോ. സെക്രട്ടറി സെലീന സജീവിനെ 07507519459 ബന്ധപ്പെടാവുന്നതാണ്.
മുകളില്‍ നല്‍കിയിരിക്കുന്ന 170 പാര്‍ലമെന്റ് മണ്ഡലങ്ങളിലെ വോട്ടര്‍മാരായിട്ടുള്ള ആരോഗ്യപ്രവര്‍ത്തകരാണ് ഇതിനായി മുന്നോട്ട് വരേണ്ടത്. ഈ ലിങ്കില്‍ ക്ലിക്ക് ചെയ്ത് നിങ്ങളുടെ പോസ്റ്റ്കോഡ് നല്‍കിയാല്‍ ഏത് പാര്‍ലമെന്റ് മണ്ഡലത്തിലാണ് ഉള്‍പ്പെടുന്നതെന്ന് അറിയുവാന്‍ കഴിയും
December 11, 2020 in Community Comments (0)

പതിനൊന്നാമത് യുക്മ ദേശീയ വെർച്വൽ കലാമേളയുടെ രജിസ്ട്രേഷൻ പൂർത്തിയായി…. വീഡിയോകൾ ലഭിക്കേണ്ട അവസാന സമയം നവംബർ 30 രാത്രി 12 വരെ…. ഔദ്യോഗീക ഉദ്‌ഘാടനം ഡിസംബർ 12 ശനിയാഴ്ച….

സജീഷ് ടോം
(യുക്മ നാഷണൽ പി ആർ ഒ & മീഡിയ കോർഡിനേറ്റർ)
യുക്മയുടെ ചരിത്രത്തിൽ ഇദം പ്രഥമമായി കോവിഡ് മഹാമാരിയുടെ പശ്ചാത്തലത്തിൽ സംഘടിപ്പിച്ചിരിക്കുന്ന യുക്മ ദേശീയ വെർച്വൽ കലാമേളയുടെ രജിസ്ട്രേഷൻ പൂർത്തിയായി. ഇതാദ്യമായി യുക്മ കലാമേളയിൽ നേരിട്ട് ദേശീയ തലത്തിൽ മത്സരിക്കാൻ കഴിയുന്നു എന്ന പ്രത്യേകതയും ഉള്ള സാഹചര്യത്തിൽ യുകെയുടെ വിവിധ ഭാഗങ്ങളിൽ നിന്നുള്ള അംഗ അസോസിയേഷനുകളിൽ നിന്നും നിരവധി മത്സരാർത്ഥികളാണ് രംഗത്തുള്ളത്. യാത്ര ഒഴിവാക്കി ദേശീയ മേളയിൽ പങ്കെടുക്കാമെന്നതിനാൽ രജിസ്ട്രേഷൻ പൂർത്തിയായപ്പോൾ അംഗ അസോസിയേഷനുകളിൽ നിന്നുമുള്ള നൂറ് കണക്കിന് മത്സരാർത്ഥികൾ മത്സരത്തിന് ഒരുങ്ങിക്കഴിഞ്ഞിരിക്കുന്നു.
രജിസ്റ്റർ ചെയ്തിരിക്കുന്ന മത്സരാർത്ഥികൾ നിബന്ധനകൾ പാലിച്ചുകൊണ്ട് തങ്ങളുടെ മത്സര ഇനങ്ങൾ വീഡിയോയിലാക്കി നവംബർ 30 തിങ്കളാഴ്ച രാത്രി 12 മണിക്ക് മുൻപായി കലാമേളക്കായി പ്രത്യേകം ഉണ്ടാക്കിയിരിക്കുന്ന ഇ മെയിലുകളിലേക്ക്  അയച്ചു കൊടുക്കേണ്ടതാണ്. ഓരോ വിഭാഗത്തിനും പ്രത്യേകം ഇ മെയിലുകളാണുള്ളത്. തിങ്കളാഴ്ച 12 മണിക്ക് ശേഷം ലഭിക്കുന്ന വീഡിയോകൾ മത്സരത്തിനായി പരിഗണിക്കുന്നതല്ല.
പതിനൊന്നാമത് യുക്മ ദേശീയ കലാമേള ഡിസംബർ പന്ത്രണ്ട് ശനിയാഴ്ച എസ് പി ബി വെർച്വൽ നഗറിൽ ഉദ്ഘാടനം ചെയ്യപ്പെടും. കോവിഡ് മഹാമാരിയുടെ പശ്ചാത്തലത്തിൽ, സാങ്കേതികവിദ്യകളുടെ എല്ലാ സാദ്ധ്യതകളും ഉപയോഗപ്പെടുത്തിക്കൊണ്ടുള്ള  വെർച്വൽ പ്ലാറ്റ്‌ഫോം രൂപകൽപ്പന ചെയ്തുകഴിഞ്ഞു. യശഃശരീരനായ ഇന്ത്യൻ സംഗീത ചക്രവർത്തി എസ് പി ബാലസുബ്രഹ്മണ്യത്തിന് ആദരവ് അർപ്പിച്ചുകൊണ്ട് അദ്ദേഹത്തിന്റെ നാമധേയത്വത്തിലുള്ള വെർച്വൽ നഗറിൽ ദേശീയമേളക്ക് തിരിതെളിയുമ്പോൾ, അത് യുക്മയ്ക്കും  ലോക പ്രവാസി മലയാളി സമൂഹത്തിനും ചരിത്ര നിമിഷമാകും.
വെർച്വൽ പ്ലാറ്റ്‌ഫോമിൽ കലാമേള സംഘടിപ്പിക്കുക എന്ന വെല്ലുവിളി യുക്മ ഏറ്റെടുക്കുമ്പോൾ, കഴിഞ്ഞ പത്തു കലാമേളകളിൽനിന്നും പ്രധാനപ്പെട്ട ചില വ്യത്യാസങ്ങൾ ഈ വർഷത്തെ കലാമേളക്ക് എടുത്തുപറയുവാനുണ്ട്. റീജിയണൽ  കലാമേളകൾ ഈ വർഷം ഉണ്ടായിരിക്കില്ല എന്നതാണ് പ്രധാനപ്പെട്ട ഒരു സവിശേഷത. കൂടാതെ ഗ്രൂപ്പ് മത്സര ഇനങ്ങളും പ്രത്യേക സാഹചര്യത്തിൽ ഒഴിവാക്കിയിട്ടുണ്ട്.
മത്സരത്തിനുള്ള വീഡിയോകൾ ഓരോ വിഭാഗത്തിനും വേണ്ടി പ്രത്യേകം തയ്യാറാക്കിയിരിക്കുന്ന ഇ മെയിലിലേക്കാണ് അയക്കേണ്ടത്. കിഡ്സ്, സബ് ജൂനിയർ, ജൂനിയർ, സീനിയർ വിഭാഗങ്ങൾക്ക് പ്രത്യേകം മെയിൽ ID കളാണ് ഉണ്ടാക്കിയിരിക്കുന്നത്. ഇ – മെയിൽ lD കൾ താഴെ കൊടുത്തിരിക്കുന്നു.
രജിസ്റ്റർ ചെയ്തിരിക്കുന്ന മത്സരാർത്ഥികൾക്ക് ചെസ്റ്റ് നമ്പറുകൾ അനുവദിച്ചിട്ടുണ്ട്. ചെസ്റ്റ് നമ്പറുകൾ രജിസ്റ്റർ ചെയ്ത സോഫ്റ്റ് വെയറിൽ നിന്നും ലഭിക്കുന്നതാണ്. ചെസ്റ്റ് നമ്പറുകൾ എടുക്കേണ്ടതെങ്ങനെയെന്ന് താഴെ കൊടുത്തിരിക്കുന്ന ഫോട്ടോ നോക്കി മനസ്സിലാക്കാവുന്നതാണ്.കൂടാതെ മത്സര ഇനങ്ങളും അവയുടെ സമയപരിധി, ഐറ്റം കോഡ് എന്നിവയും താഴെ കൊടുത്തിട്ടുണ്ട്. വീഡിയോ എടുക്കേണ്ടതെങ്ങനെയെന്ന് വിശദീകരിക്കുന്ന ഫോട്ടോയും താഴെ കൊടുത്തിരിക്കുന്നു.
പതിനൊന്നാമത് യുക്മ ദേശീയ വെർച്വൽ കലാമേളയിലേക്ക് മത്സരാർത്ഥികളെ പങ്കെടുപ്പിക്കുവാൻ അഹോരാത്രം പരിശ്രമിച്ച യുക്മ ദേശീയ, റീജിയണൽ, അംഗ അസോസിയേഷൻ ഭാരവാഹികൾ എന്നിവർക്ക് യുക്മ ദേശീയ സമിതി നന്ദി രേഖപ്പെടുത്തി.  യുക്മ ദേശീയ പ്രസിഡന്റ് മനോജ്‌കുമാർ പിള്ള, ജനറൽ സെക്രട്ടറി അലക്സ് വർഗീസ് എന്നിവർ കലാമേളയിൽ പങ്കെടുക്കുന്ന എല്ലാ മത്സരാർത്ഥികൾക്കും വിജയാശംസകൾ നേർന്നു.
കലാമേളയുമായി  ബന്ധപ്പെട്ട വിവരങ്ങൾക്ക്  യുക്മ നാഷണൽ വൈസ് പ്രസിഡന്റ് ലിറ്റി ജിജോ (07828424575) ജോയിന്റ് സെക്രട്ടറി സാജൻ സത്യൻ (07946565837) എന്നിവരെയോ അതാത് റീജിയണൽ ഭാരവാഹികളെയോ ബന്ധപ്പെടാവുന്നതാണ്.
November 28, 2020 in Community Comments (0)